قازاقستاننىڭ ازاماتى رەتىندە, انا رەتىندە, قوعام وكىلى رەتىندە مەنى دە ەلىمنىڭ بۇگىنى مەن بولاشاعى ويلاندىرادى, مازالايدى. وسى ورايدا پرەزيدەنتتىڭ «ماعان ەلىمنىڭ اماندىعى مەن جەرىمنىڭ تۇتاستىعىنان اسقان قۇندىلىق جوق» دەگەن ءسوزى ۇنادى. وسكەلەڭ ۇرپاق تاربيەسىمەن شۇعىلدانىپ جۇرگەندىكتەن, «وتانشىلدىق رۋحى جوعارى ەل كوزدەگەن ماقساتىنا قالايدا جەتەدى», دەگەن پرەزيدەنتتىڭ سوزىنەن مەملەكەتتىڭ بولاشاق ازاماتتارىن, قوعامنىڭ بولاشاق وكىلدەرىن – جاس ۇرپاقتى وتانسۇيگىشتىك رۋحتا تاربيەلەۋ ماسەلەسىنە نازار اۋدارۋدىڭ ماڭىزىن تەرەڭ سەزىندىم.
پرەزيدەنتتىڭ بىزگە ەشكىم سىرتتان كەلىپ, ەشتەڭە جاساپ بەرمەيتىنى انىق, ءبارى ءوز قولىمىزدا», دەگەن سوزىمەن تولىق كەلىسەمىن. اينالاڭ وزگەرسىن, قوعام وزگەرسىن, ەل وزگەرسىن دەسەڭ, سىناپ-مىنەي بەرمەي, ءاربىر ازامات «وسى كەمشىلىكتى تۇزەۋ ءۇشىن مەن نە ىستەي الامىن, نە ىستەپ ءجۇرمىن؟» دەگەن ويمەن وزگەرىستى وزىنەن باستاعان ءجون.
بۇل جولداۋدىڭ بيلىك ءۇشىن دە, حالىق ءۇشىن دە جۇگى اۋىر. قازاقستاننىڭ بولاشاعىن, ەل كەلەشەگىن ويلاساق, ء«ار ۇرپاق وزىنە ارتقان جۇكتى جەتەر جەرىنە اپارىپ تاستاۋى كەرەك. ايتپەگەندە بولاشاق ۇرپاعىمىزعا اسا كوپ جۇك قالدىرىپ كەتەمىز», دەپ ءاليحان بوكەيحان ايتپاقشى, بيلىك تە, حالىق تا ارقامىزداعى اۋىر جۇكتى بىرلەسە جۇمىلا كوتەرىپ, كەيىنگى ۇرپاققا تۇعىرلى تاۋەلسىزدىگى بار, كەمەل مەملەكەت قالدىرىپ كەتۋىمىز كەرەك.
تۇرار ساتتارقىزى,
ەتنولوگيا ماگيسترى,
قازاقستان حالقى اسسامبلەياسى نۇر-سۇلتان قالاسى انالار كەڭەسىنىڭ مۇشەسى
