«2021 جىلعا كولىك قۇرالدارى سالىعىن تولەۋ مەرزىمى جەكە تۇلعالار ءۇشىن 2022 جىلدىڭ 1 ساۋىرىنە دەيىن ەكەنىن ەسكە سالامىز. سالىق سوماسىن e-Salyk-ءAzamat موبيلدى قوسىمشاسىنداعى كالكۋلياتور كومەگىمەن جانە kgd.kz سايتىندا ءوز بەتىڭىزشە ەسەپتەۋگە بولادى نەمەسە 1414/3-ورتالىعىنىڭ بىرىڭعاي بايلانىسى ارقىلى بىلۋگە بولادى», دەلىنگەن حابارلامادا.
ۆەدومستۆو مالىمەتىنشە, مەرزىمى ءوتىپ كەتكەنەن كەيىن سالىق زاڭناماسى نورمالارىنا سايكەس سالىق تولەمەگەن تۇلعالار بانك قىزمەتتەرىن الا المايدى.
«كەشىكتىرىلگەن ءاربىر كۇنگە ۇلتتىق بانك بەلگىلەگەن رەسمي قايتا قارجىلاندىرۋ ستاۆكاسىنىڭ 1,25 ەسەلەنگەن مولشەرىندە ايىپپۇل سالىنادى. سونىمەن قاتار سالىق ورگاندارى ماجبۇرلەپ ورىنداتۋ ماقساتىندا بورىشكەرلەرگە, ونىڭ ىشىندە مۇلكىنە جانە بانك شوتتارىنا تىيىم سالۋ, سونداي-اق ەلدەن تىس جەرلەرگە شىعۋعا شەكتەۋ قويۋ شارالارىن قولداناتىن سوت ورىنداۋشىلارىنا سالىق تاپسىرمالارىن جىبەرەدى. بۇل رەتتە قارىز سوماسىنىڭ 25 پايىزىن قۇرايتىن سوت شىعىندارى ۇستالادى», دەپ تولىقتىردى ءباسپاسوز قىزمەتى وكىلدەرى.
