قايىرىمدىلىق اكتسياسىنا ايماق باسشىسى ارحيمەد مۇحامبەتوۆ تە اتسالىسىپ, «التىن القا» يەگەرى جانات شاكىروۆا مەن كوپبالالى انا اننا پينەجسكايانىڭ ۇيىنە كىرىپ شىقتى. اكىم كوپبالالى انالاردى ۇلىستىڭ ۇلى كۇنىمەن قۇتتىقتاپ, ۇن, قانت, كۇنباعىس مايى, شاي, جارما, ماكارون سياقتى الەۋمەتتىك ماڭىزى بار ازىق-ت ۇلىك تۇرلەرى مەن بالالارعا تاڭسىق ءتاتتى ءونىم تولى ناۋرىز قورجىنىن تابىس ەتتى.
– جالعىز ءوزىم بەس بالا تاربيەلەپ وتىرمىن. ورتانشى ۇلىمنىڭ مۇگەدەكتىگى بار. جاعدايىمىز جامان ەمەس, بالالاردىڭ تۇراقتى الەۋمەتتىك جاردەماقىسى بار. ونىڭ سىرتىندا, اي سايىن تەگىن ازىق-ت ۇلىك سەبەتتەرىن الىپ وتىرامىز. شىنىمدى ايتسام, مەملەكەت بالالارىما اكە ورنىنا اكە بولىپ وتىر. ايتەۋىر, قامقورلىعىن ايامايدى. مىنە, بۇگىن ۇيىمىزگە ايماق باسشىسىنىڭ ءوزى كەلىپ, بالالارىم تاتتىگە قارىق بولىپ, قۋانىپ مارە-سارە بولىپ قالدى. بىلتىر قالا اكىمى كەلىپ ەدى, بيىل وبلىس اكىمى كەلدى. بالالارىم ناۋرىز جاقىنداعاندا اكەم قاشان كەلەدى دەپ ەمەس, اكىم قاشان كەلەدى دەپ سۇرايدى. وعان دا شۇكىر. ءبارىڭىزدى ناۋرىز مەرەكەسىمەن قۇتتىقتايمىن!, – دەدى اننا پينەجسكايا.
قايىرىمدىلىق شاراسىنا Amanat پارتياسىنىڭ وكىلدەرى دە قاتىسۋدا. پارتيانىڭ «باقىتتى وتباسى» جوباسى اياسىندا جەرگىلىكتى كاسىپكەرلەر وڭىردەگى مۇقتاج وتباسىلاردىڭ ءۇي-جايىن جوندەپ بەرۋ, كومىر جانە اعاش وتىنمەن قامتاماسىز ەتۋ, كوممۋنالدىق قىزمەت اقىسىن تولەي الماي وتىرعان بورىشكەرلەردىڭ قارىزىن وتەۋ, گاز قۇبىرىنا قاۋىپسىزدىك قۇرىلعىسىن ورناتۋ سياقتى يگى امالداردى قولعا الىپ جاتىر.
قوستاناي وبلىسى
