بۇگىندە ەلىمىزدە, سونداي اق شەتەلدە ءبىلىم الىپ جاتقان جاستار العان ءبىلىمى ارقىلى ەلىمىزدىڭ تاياۋ جىلدارداعى دامۋىنا سەرپىن بەرەتىن رۋحاني, مادەني ءارى ەكونوميكالىق كەلەشەگى زور الەۋەتكە يە.
جاستار قاي سالادا بولسىن جىلدامدىق, تسيفرلىق سەرپىلىستەر مەن ءداستۇرلى ءبىلىمدى ۇشتاستىرا وتىرىپ, يننوۆاتسيالىق جەتىستىكتەردى ءىس جۇزىنە اسىرۋعا دايىن. بۇل باعىتتا بولاشاعىن شەتەلدەن ىزدەپ ەلدەن كەتىپ جاتقان جاستارعا كوڭىل ءبولۋ, سونىمەن بىرگە الداعى ەكى ءۇش جىلدا جوعارى ءبىلىم مەن تەحنيكالىق كاسىپتىك ءبىلىم ورىندارىن بىتىرەتىن جاستاردىڭ الەۋمەتتىك احۋالىنا كوڭىل ءبولۋ, ولاردى تۇراقتى جۇمىسپەن قامتاماسىز ەتۋ - ۋاقىت كۇتتىرمەيتىن ماسەلە. سونىمەن بىرگە ءبىلىمدى جاستاردى شەتەلدىڭ ۇزدىك وقۋ ورىندارى عانا ەمەس, وندىرىستىك ورتالىقتارىندا تاجىريبەدەن وتكىزىپ, جيعان ءبىلىمىن ەلىمىزدىڭ دامۋىنا باعىتتاۋ شارالارى دا كەشەندى جۇزەگە اسۋى ءتيىس دەپ بىلەمىن.
سوڭعى جىلدارى تەحنوكرات جاستاردى وقىتۋ, تاربيەلەۋ ماسەلەسى ءجيى كوتەرىلىپ ءجۇر. وسى ورايدا تەحنيكالىق ءبىلىم بەرۋ ورىندارىن ءتامامدايتىن تۇلەكتەردىڭ جۇمىسقا ورنالاسۋى, ولاردىڭ كاسىبي تاجىريبە الاڭدارىندا بىلىكتىلىكتەن وتۋىنە نازار اۋدارۋ دا ماڭىزدى ماسەلە. سونىمەن بىرگە ەلىمىزدەگى بارلىق وقۋ ورىندارى تۇلەكتەرىنىڭ فورۋمدارىن, ديسكۋسسيا الاڭدارىن ءجيى ۇيىمداستىرىپ وتىرۋ جاستاردىڭ بولاشاققا دەگەن نىق ءارى سەنىمدى قادام جاساۋىنا ىقپال ەتەتىنى داۋسىز.
مەملەكەت باسشىسى ەل كەلەشەگى جاستارعا ۇلكەن سەنىم ارتا وتىرىپ, ۇلتتىق عىلىم اكادەمياسى مەن عزي عالىمدارىنىڭ بەلسەندىلىگىنە سەنىم ارتادى. ەكونوميكالىق, الەۋمەتتىك سەكتوردا قوردالانعان ماسەلەلەردىڭ شەشىمىن تابۋى ناقتى ءىس پەن كاسىبي باعدارعا بايلانىستى ەكەنى بەلگىلى. وسىعان وراي جاستاردىڭ كاسىبي ءوسۋى, بىلىكتى مامان دەيگەيىنە جەتۋىن ماقسات ەتەتىن ورتالىقتاردىڭ جوعارى وقۋ ورىندارى جانىندا بەلسەندى جۇمىس ىستەگەنى ماڭىزدى. ول بەلگىلى ءبىر دارەجەدەگى جاس مامانداردى عانا ەمەس, كرەاتيۆتى, ويى ۇشقىر كەز كەلگەن جاستىڭ تاجىريبە الاڭىنا اينالۋى ءتيىس دەپ بىلەمىن.
وتانسۇيگىشتىك, ۇلتتىق قۇندىلىقتاردى نىعايتۋ جولىنداعى مەملەكەتتىك باعدارلامالاردى جۇزەگە اسىرۋدا جاستاردى شەت قالدىرماي, تاربيە وشاقتارىنىڭ بارلىق دەڭگەيىندە باستى بايلىعىمىز – تاۋەلسىزدىگىمىزدىڭ تۇعىرىن ساقتاۋ مەن ۇلتتىق بىرەگەيلىكتى نىعايتۋ, ەلىمىزدىڭ جاڭارۋىنا باعىتتالعان جوبالاردى جۇزەگە اسىرۋدىڭ ماڭىزدى ەكەندىگىنە باۋلۋ, زاماناۋي جەتىستىكتەردى ەل دامۋىنىڭ كەلەشەگى جولىندا جۇزەگە اسىرۋدىڭ ماڭىزدىلىعىن ءتۇسىندىرۋ قوعامدىق ءومىردىڭ بارلىق سالاسىنا قاتىستى بولۋى قاجەت. جولداۋ ءاربىر وتباسى مۇشەسىن, ءاربىر ازاماتتى جىگەرلەندىرىپ, ءبىلىمدى بولۋعا, العان بىلىگىن ەل دامۋىنا باعىتتاۋعا دەگەن سەرپىلىسكە باستايدى دەگەن سەنىم زور.
تيمۋر اپەنديەۆ,
ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ
تاريحي دەموگرافيا جانە قازاقستان حالقى اسسامبلەياسى ءبولىمىنىڭ مەڭگەرۋشىسى.
