«جولداۋداعى ءاربىر باستامانى وسى ماقساتقا جەتۋ جولىنداعى ناقتى قادام دەۋگە بولادى. ونى تابىستى جۇزەگە اسىرۋ - بارشامىزدىڭ ورتاق مىندەتىمىز. قازىر اۋمالى-توكپەلى كەزەڭ بولىپ تۇر. گەوساياسي احۋال كۇننەن-كۇنگە ۋشىعا تۇسۋدە. ونىڭ سالقىنى بەلگىلى سەبەپتەرگە بايلانىستى قازاقستانعا دا تيەدى. بىراق ءبىز باعدارىمىزدان اينىماي, كوزدەگەن ماقساتىمىزعا جەتەمىز», دەدى قاسىم-جومارت توقاەۆ.
قازاقستان پرەزيدەنتى سول ءۇشىن ء«بىر جاعادان باس, ءبىر جەڭنەن قول شىعارىپ» جۇمىلا جۇمىس ىستەۋىمىز كەرەكتىگىن باسا ايتتى.
«بۇگىندە ءاربىر وتانداسىمىز ەگەمەن ەلىمىزدى وركەندەتۋگە ءوز ۇلەسىن قوسۋدا. حالقىمىز قاشاندا بەرەكە-بىرلىككە, ىرىس-ىنتىماققا اسا ءمان بەرگەن. ءوزارا جاناشىرلىق پەن قامقورلىقتى بارىنشا دارىپتەگەن. سونىڭ ارقاسىندا جۇرتىمىز بارلىق قيىندىقتى ەڭسەرىپ, كەلە جاتقانى ءسوزسىز», دەدى مەملەكەت باسشىسى.
