مال ۇرلىعىنا قارسى شارالار ۇدايى جۇرگىزىلىپ كەلەدى

«كۇنكورىسىنىڭ نەگىزگى كوزى مال شارۋا­­شى­­لى­عى بولىپ وتىرعان اۋىل حال­ق­ى ءۇشىن بۇل ماسەلە وتە وزەكتى ەكەنى تۇ­سى­نىك­تى. سول سەبەپتى دە ىشكى ىستەر ورگان­دا­رى مال ۇرلىعىمەن كۇ­رە­سۋ, ونىڭ الدىن الۋ ماقساتىندا كەشەندى شارالاردى ۇدا­يى جۇرگىزىپ-اق كەلەدى. ماسەلەن, زاڭ­دىق تۇرعىدا ءۇي-جايلارعا كىرىپ, بىر­نە­شە رەت مال ۇرلىعىن جاساۋ بەلگىلەرى اۋىر قىل­مىس­تار ساناتىنا اۋىستىرىلسا, قوس تا­راپ­تىڭ تاتۋلاسۋىنا بايلانىستى جاۋاپ­كەر­شىلىكتەن باس تارتۋ مۇمكىندىگى دە الىنىپ تاس­تالدى», دەپ اتاپ ءوتتى س.شالقاروۆ.

ىشكى ىستەر مينيسترلىگى وكىلىنىڭ ما­لىم­­دە­ۋىن­شە, جەدەل وپەراتسيا باستال­عا­لى بەرى پوليتسيا قىزمەتكەرلەرى مال مەن ەت ونىمدەرىن تاسى­مال­­دايتىن 15 مى­ڭ­نان استام كولىكتى, 6525 مال جانە ەت ونىم­دەرىن ساتىپ الۋ, ساتۋ ورىندارىنا تەكسەرۋ جۇرگىزگەن. سونداي-اق 11 مىڭعا جۋىق شارۋا قوجالىقتارى, شالعايداعى ۋچاس­كە­لەر مەن فەرمەرلەرمەن ارنايى جۇمىستار جۇرگىزىلگەن.

«مال ۇرلىعىن جاسادى دەگەن كۇدىكپەن 221 ادام ۇستالسا, ونىڭ ىشىندە 30 توپ بار. جەدەل ءىس-شارا ناتيجەسىندە 886 مال باسى زاڭدى يەلەرىنە قايتارىلدى. ونىڭ ىشىندە 381-ءى جىلقى مالى», دەيدى سپيكەر. سونىمەن قاتار ۆەتەريناريا سالاسىندا 1353 قۇقىق بۇزۋشىلىق انىقتالىپ وتىر. بۇل دەرەكتەردىڭ دەنى مال جانە ەت ونىم­­دەرىن ءتيىستى قۇجاتتارسىز تاسى­مال­داۋ جانە ساتۋعا قاتىستى بولىپ وتىر.

كريمينالدىق پوليتسيا دەپارتامەنتى قىز­مەت­كەرىنىڭ ايتۋىنشا, مينيسترلىكتىڭ باستاماسىمەن وڭىرلەردە مال ۇرلىعىنىڭ الدىن الۋ شارالارىن قابىلداۋدى ۇيلەستىرەتىن ۆەدومستۆوارالىق جۇمىس توپتارى قۇرىلعان.

سونىمەن قاتار كريمينوگەندىك اۋدان­داردا ءموبيلدى بەكەتتەر ۇيىم­داس­تى­رىلىپ, قا­راۋ­سىز قالعان مالعا ارنالعان قورالار سانىن ارت­تىرۋ بويىن­شا جۇمىستار جۇرگىزىلۋدە. قا­زىر­گى تاڭ­دا مۇنداي نىسانداردىڭ سانى ەلىمىز بويىنشا 800-دەن اسقان.

جالپى, سوڭعى 5 جىلدا ەلىمىزدە مال ۇرلىعى 35 پايىزعا ازايعان. سايكەسىنشە, قولدى بولعان مال سانى دا ەكى ەسەگە كە­مى­گەن.

«مۇنداي كورسەتكىشكە مال ۇرلى­عى­نىڭ الدىن الۋ باعىتىندا قابىلدانعان شارالاردىڭ ارقاسىندا قول جەتكىزىپ وتىرمىز. وڭ ءۇردىس بيىل دا ساقتالىپ وتىر, بۇل قىلمىس ءتۇرى 32,7 پايىزعا ازايعان. جىل باستالعالى بەرى پوليتسيا قىزمەتكەرلەرى ۇرلانعان مالدىڭ 44 پايىزىنان استامىن زاڭدى يەلەرىنە قايتاردى. ۇرىلاردىڭ جەتەگىندە كەتكەن 1300 مالدىڭ 573-ءى تابىلدى», دەيدى س.شالقاروۆ.

كەشەندى جانە جەدەل ىزدەستىرۋ ءىس-شا­رالارى كەزىندە قولعا تۇسكەن كۇدىكتى­لەر­دىڭ قاتارىندا وتكەن جىلدىڭ جەل­توق­سان ايىنىڭ سوڭىندا تۇركىستان وبلى­سى­نا قاراستى ورداباسى اۋدا­نىنىڭ اۋماعىندا مال ۇرلىعىمەن اينا­لىس­قان 5 ادامنان تۇراتىن قىلمىستىق توپ تا بار. باس-اياعى بەس مال ۇرلىعىنا قاتىسى بار بولىپ شىققان ۇرىلار مال يەلەرىن 10 ميلليون تەڭگەدەن استام سوماعا شى­عىن­عا باتىرىپ كەتكەن.

ال كوكتەم باستالا سالىسىمەن قولعا تۇسكەن تاعى ءبىر توپ ارام ويلارىن قارا­عاندى وبلىسىندا ىسكە اسىرعان. ەڭ سورا­قى­سى, ءۇش ادامنان تۇراتىن توپ شەت اۋدانىندا جىلقى مەن ءىرى قارا مالدى ايداپ اكەتپەگەن, اتىپ العان. ءتىنتۋ كە­زىن­دە بۇل توپ مۇشەلەرىنەن قىلمىس قۇ­را­لى بولىپ تابىلاتىن تىركەلمەگەن تەگىس ۇڭعىلى مىلتىق تابىلعان.