ونىڭ ىشىندە 20 مىڭى – تەكسەرۋ, جاۋاپ الۋ, ءتىنتۋ جۇمىستارى. سول سياقتى 3,5 مىڭ سوت ساراپتاماسى تاعايىندالدى.
باس پروكۋرور بەرىك اسىلوۆتىڭ ايتۋىنشا, جالپى سانى 766 كۇدىكتى تۇتقىندالدى. ولاردىڭ باسىم بولىگى – جۇمىسسىز, جوعارى ءبىلىمى جوق 30 جاسقا دەيىنگى جاستار.
«ولاردىڭ ىشىندە دەسترۋكتيۆتى ءدىني اعىمداردىڭ 19 جاقتاۋشىسى, تىيىم سالىنعان ەكسترەميستىك ۇيىمداردىڭ 27 بەلسەندىسى, ۇيىمداسقان قىلمىستىق توپتاردىڭ 24 مۇشەسى جانە 113 ادام كىسى ولتىرگەنى, ۇرلاعانى, توناعانى جانە قاراقشىلىق جاساعانى ءۇشىن سوتتالدى. مىسالى, «ديكي ارمان» دەپ اتالاتىن جۇماگەلديەۆ پەن ونىڭ توبىنىڭ 14 مۇشەسى قاماۋدا. مۇنداي ادامداردىڭ جوعالتاتىن ەشتەڭەسى بولمادى جانە ولار ءارتۇرلى قىلمىستارعا وڭاي باردى, دۇكەندەردى قيراتتى, توناۋمەن اينالىستى, اكىمشىلىك عيماراتتارعا شابۋىل جاسادى», دەدى باس پروكۋرور.
جالپى, جاسالعان قىلمىستارعا قاتىسى بار-جوعى 22 مىڭنان استام ادام تەكسەرىلدى.
