ادۆوكاتتىڭ ابىرويى نەمەن ولشەنەدى؟ ولار كىمدەرگە تاۋەلدى؟ مەملەكەت كەپىلدىك بەرگەن زاڭ كومەگىنىڭ قۇنى قانشا؟ مكزك (مەملەكەت كەپىلدىك بەرگەن زاڭ كومەگى) باعدارلاماسى بويىنشا مينۋتتىق تولەمنەن ساعاتتىق تولەمگە كوشۋ ادۆوكاتتىق قىزمەتتىڭ ساپاسىن ارتتىرا الا ما؟ وسى جانە وزگە دە ماڭىزدى سۇراقتار كەڭىنەن ءسوز بولعان باسقوسۋعا ادىلەت ءمينيسترى قانات مۋسين, ءماجىلىس دەپۋتاتى سنەجاننا يماشەۆا, رەسپۋبليكالىق ادۆوكاتتار القاسىنىڭ توراعاسى ايدىن بيكەباەۆ, جوعارعى سوت, باس پروكۋراتۋرا, سىبايلاس جەمقورلىققا قارسى ءىس-قيمىل جانە قارجى مونيتورينگى اگەنتتىكتەرى, ۇلتتىق ەكونوميكا, قارجى, ءىىم وكىلدەرى, رەسپۋبليكالىق نوتارياتتىق پالاتانىڭ, جەكە سوت ورىنداۋشىلارىنىڭ رەسپۋبليكالىق پالاتاسىنىڭ وكىلدەرى, سونداي-اق بەينەكونفەرەنتس بايلانىس رەجىمىندە رەسپۋبليكالىق ادۆوكاتتار القاسى تورالقاسىنىڭ, زاڭ كونسۋلتانتتارى پالاتالارى قاۋىمداستىقتارىنىڭ مۇشەلەرى جانە اۋماقتىق ادىلەت دەپارتامەنتتەرىنىڭ باسشىلارى قاتىستى. سونداي-اق دوڭگەلەك ۇستەل جۇمىسىنا ادام قۇقىقتارى جونىندەگى ۋاكىل ەلۆيرا ءازىموۆا مەن پرەزيدەنت جانىنداعى كەشىرىم جاساۋ ماسەلەلەرى جونىندەگى كوميسسيا توراعاسى مارات باشيموۆ قاتىسىپ, ادۆوكاتتىق زاڭ كومەگىن كورسەتۋ جۇيەسىندەگى نەگىزگى ماسەلەلەر بويىنشا وي-پىكىرلەرىن ورتاعا سالدى.
ءىس-شارادا ادۆوكاتتاردىڭ پەنيتەنتسيارلىق جۇيەمەن ءوزارا ارەكەتتەسۋ ماسەلەلەرى, اتاپ ايتقاندا, ادۆوكاتتاردىڭ تەرگەۋ يزولياتورلارىنا كىرۋى, قىلمىستىق-اتقارۋ جۇيەسى مەكەمەلەرىندەگى ادامدارعا ادۆوكاتتىق قىزمەت كەپىلدىكتەرى مەن قورعاۋشىلاردىڭ ءىس جۇرگىزۋ وكىلەتتىكتەرىن كەڭەيتۋگە قاتىستى وزەكتى سۇراقتار جان-جاقتى تالقىلاندى. زاڭ قىزمەتتەرىن كورسەتۋ سالاسىن جەتىلدىرۋ, ساپاسىن ارتتىرۋ بويىنشا ناقتى ۇسىنىستار ايتىلدى. ماسەلەن, رەسپۋبليكالىق ادۆوكاتتار القاسىنىڭ توراعاسى ايدىن بيكەباەۆ مەملەكەت كەپىلدىك بەرگەن زاڭ كومەگى باعدارلاماسى اياسىندا مەملەكەتتىك بيۋدجەتتىڭ تولەم مولشەرلەمەلەرىن ارتتىرۋ جانە شىعىستارىن ۇلعايتۋدى ۇسىندى. ناقتىراق ايتقاندا, ول وسى باعدارلاما بويىنشا مينۋتتىق تولەمنەن ساعاتتىق تولەمگە كوشۋدى, دەمالىس, مەرەكە جانە تۇنگى ۋاقىتتاعى جۇمىسى ءۇشىن ادۆوكاتقا بۇرىن بەرىلگەن جوعارى تولەمدى قايتارۋ قاجەتتىگىن العا تارتتى. سونىمەن قاتار ءىس-شارا اياسىندا ادۆوكاتتاردىڭ «ە-زاڭ كومەگى» اقپاراتتىق جۇيەسىن پايدالانۋ, قۇقىق قورعاۋ ورگاندارى عيماراتتارىندا سمارتفوندار مەن نوۋتبۋكتەردى قولدانۋ, «مەملەكەتتىك قۇپيا» دەپ تاڭبالانعان ىستەر بويىنشا رۇقسات الۋ كەزىندە تۋىندايتىن كەدەرگىلەر مەن ماسەلەلەردى شەشۋ قاجەتتىگى دە ايتىلدى.
«رەسپۋبليكالىق ادۆوكاتتار القاسى كوتەرگەن ماسەلەلەردىڭ دەنىن دوڭگەلەك ۇستەلگە قاتىسۋشىلار قولدادى. الداعى كۇندەرى ناقتى مەرزىمدەر مەن ورىنداۋشىلاردى كورسەتە وتىرىپ, باسقوسۋ بارىسىندا تالقىلانعان ماسەلەلەردى شەشۋ بويىنشا جول كارتاسىنا قول قويىلادى», دەيدى ا.بيكەباەۆ. دوڭگەلەك ۇستەلگە قاتىسۋشىلار مۇنداي كەزدەسۋلەر ادۆوكاتۋرانى ودان ءارى دامىتۋ باعىتتارى مەن حالىققا زاڭ قىزمەتتەرىن كورسەتۋ ساپاسىن, سونىمەن قاتار مەملەكەت كەپىلدىك بەرگەن زاڭ كومەگىن جاقسارتۋ جونىندەگى ناقتى شارالاردى ازىرلەۋگە مۇمكىندىك بەرەتىنىنە سەنىم ءبىلدىردى. تالقىلاۋ بارىسىندا ايتىلعان ۇسىنىستاردى ىسكە اسىرۋ جونىندەگى ناقتى شارالار جول كارتاسىندا كورسەتىلەدى.
