«بىرىنشىدەن - مۇناي سالاسىنا قاجەتتى جاڭا وندىرىستەردى, ونىڭ ىشىندە شەۆروننىڭ تىكەلەي ينۆەستيتسيالار قورىنان قارجىلاندىرۋ تەتىگى ارقىلى وقشاۋلاۋ. 2021 جىلى ساۋىردە مۇناي-گاز ماشيناسىن جاساۋدى دامىتۋدىڭ حالىقارالىق ورتالىعى قۇرىلدى. بۇل 3 ءىرى وپەراتوردىڭ مۇقتاجدىعى ءۇشىن تاۋرالاردى, كورسەتىلەتىن قىزمەتتەردى وندىرۋگە جانە جەتىزۋگە جەرگىلىكتى تاۋار وندىرۋشىلەردەگى, سەرۆيستىك كومپانيالارداعى بار ولقىلىقتاردى جويۋعا مۇمكىندىك بەرەدى. وسى جىلى ءوندىرىس ءۇش تاۋار توبى بويىنشا جۇمىستار باستالادى: تيەك ارماتۋراسى, باقىلاۋ-ولشەۋ اسپاپتارى, اۆتوماتيكا ء(بواجا) جانە ەلەكتر تەحنيكالىق جابدىق. بۇگىنگى تاڭدا ورتالىق وسى ءۇش تاۋار توبىنا مامانداندىرىلعان 60-قا جۋىق ءوندىرۋشىنى انىقتادى. ولاردىڭ ىشىندە ەلىمىزدىڭ 13 وڭىرىندەگى 50 كاسىپورىن بار», دەدى ول.
ءمينيستردىڭ ايتۋىنشا, سينەرگيا جانە وقشاۋلاۋ الەۋەتىن انىقتاۋ ءۇشىن 35 مىڭنان استام تاۋار تالداندى. ونىڭ ىشىندە 19 تاۋار ءتۇرى جاقىن بولاشاقتا وپەراتورلار نەعۇرلىم تالاپ ەتەتىن تاۋارلار رەتىندە ايقىندالدى. بۇگىندە 4 وندىرۋشىمەن كەلىسىم جاسالادى.
«تەحنولوگيالار ترانسفەرتى جانە تاۋارلار ءوندىرىسىن وقشاۋلاۋ جونىندەگى جۇمىستار جالعاستىرىلاتىن بولادى. بۇل شامامەن 3 مىڭ جۇمىس ورنىن قۇرۋعا مۇمكىندىك بەرەدى. وسىنداي باستامالاردىڭ ارقاسىندا ءبىز مۇناي-گاز سالاسى ءۇشىن تاۋارلار ءوندىرۋ جۇيەسىن قۇرۋدى جوسپارلاپ وتىرمىز», دەدى بولات اقشولاقوۆ.
