كحدر مەن رەسەي اراسىنداعى ساۋدا-ساتتىق رۋبلمەن جۇرگىزىلەدى

كحدر مەن رەسەي اراسىنداعى ساۋدا-ساتتىق ەندى رۋبلمەن جۇرگىزىلەدى. بۇل تۋرالى Utro.ru حابارلادى. مۇنداي شەشىم رەسەي مەن سولتۇستىك كورەيا ۇكىمەتارالىق كوميسسياسى جۇمىسىنىڭ قورىتىندىسى بويىنشا قابىلداندى. «تاراپتار ءوزارا ساۋدا-ساتتىق كولەمىن 2020 جىلعا دەيىن 1 ملرد. دوللارعا كوتەرۋدى جوسپارلاپ وتىر», – دەيدى قيىر شىعىستى دامىتۋ جونىندەگى مينيسترلىك باسشىسى الەكساندر گلۋشكا. ءمينيستردىڭ پايىمداۋىنشا, كورەي تۇبەگىندەگى تۇراقتىلىق ەكى ەل قارىم-قاتىناسىنىڭ دامۋىنا سەپتىگىن تيگىزەدى. ماسكەۋ مەن پحەنيان سولتۇستىك كورەيا تەمىرجولىن ترانسسىبىرمەن جالعاستىرۋدى كوزدەپ وتىر. وسىلايشا ولار كحدر تاۋ-كەن ونەركاسىبىن جاڭعىرتىپ, وزگە دە جوبالار بويىنشا ارىپتەستىك  ورناتپاقشى. سولتۇستىك كورەيا قازىر قارجىلىق داعدارىسقا تاپ بولدى. ءتىپتى, كحدر-ءدىڭ بۇرىنعى باسشىسى كيم ير سەننىڭ ەلدەگى بايلىقتى ساۋداعا سالماۋ جونىندەگى نۇسقاۋىنا قاراماستان, قازىرگى بيلىك قىتايعا التىن ساتۋعا ءماجبۇر بولىپ وتىر. وسى جاعدايدى ەسكەرىپ, ماسكەۋ سولتۇستىك كورەيانىڭ كەڭەستىك جۇيەدەن بەرەسىلى 336 ملرد. رۋبل كولەمىندەگى قارىزىن تولەۋدەن بوساتتى. ايدار ورىسباەۆ. دەرەككوز: Utro.ru. فوتو: Mail.ru.