پرەزيدەنت • 01 ناۋرىز، 2022

«حالقىمىز اماناتقا قيانات جاساماعان» – پرەزيدەنت پارتيانىڭ جاڭا اتاۋى تۋرالى ايتتى

3566 رەت كورسەتىلدى

قر پرەزيدەنتى قاسىم-جومارت توقاەۆ Nur Otan پارتياسىنىڭ اتاۋىنا بايلانىستى پىكىرتالاسقا قاتىسقانىن ايتتى، دەپ حابارلايدى Egemen.kz.

«پارتيا بارلىق رەفورماعا ۇيىتقى بولۋعا ءتيىس. ول ءۇشىن وزگەرىستى الدىمەن وزىمىزدەن باستاۋىمىز كەرەك. سوندىقتان بۇگىنگى كۇنتارتىبىندەگى نەگىزگى ماسەلە - پارتيانى جاڭعىرتۋ. زامان، قوعام، ادام وزگەرىپ جاتقاندا پارتيانىڭ وزگەرۋى زاڭدىلىق. بۇل - ۋاقىت تالابى. وسىعان وراي جاڭا عانا ايتىلعانداي، ساياسي ۇيىمنىڭ اتاۋىن «امانات» دەپ وزگەرتۋ ۇسىنىلدى. جاسىراتىن ەشتەڭە جوق، مەن دە بۇل ماسەلەگە بايلانىستى پىكىرتالاسقا قاتىستىم. بىرنەشە ۇسىنىس بولدى. سونىڭ ىشىنەن «امانات» دەگەن اتاۋعا توقتالدىق. بۇل ەلىمىز ءۇشىن دە، ۇلتىمىز ءۇشىن دە ايرىقشا ءمانى بار كيەلى ۇعىم»، دەدى مەملەكەت باسشىسى Nur Otan پارتياسىنىڭ كەزەكتەن تىس سەزىندە.

قر پرەزيدەنتىنىڭ ايتۋىنشا، ەگەمەندىمىز، ەلدىگىمىز بەن بىرلىگىمىز، كەڭ بايتاق جەرىمىز بىزگە بابالاردان جەتكەن امانات. وسى قاستەرلى قۇندىلىقتارىمىزدى كوزدىڭ قاراشىعىنداي ساقتاپ، بولاشاققا ميراس ەتۋىمىز كەرەك.

«مەملەكەتتىلىك، ءداستۇر جالعاستىعى، ۇرپاق ساباقتاستىعى دەگەنىمىز مىنە وسى. حالقىمىز ەشقاشان اماناتقا قيانات جاساماعان. پارتيا بۇل قاعيداتتى بەرىك ۇستانادى»، دەدى قاسىم-جومارت توقاەۆ.

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار