وتىرىسقا ارمەنيا, بەلارۋس, قازاقستان, قىرعىزستان, رەسەيدىڭ ۇكىمەت باسشىلارى جانە ەۋرازيالىق ەكونوميكالىق كوميسسيا القاسىنىڭ توراعاسى قاتىسادى. ەاەو-نىڭ بايقاۋشى مەملەكەتتەرى - مولدوۆا, وزبەكستان جانە كۋبانىڭ قاتىسۋى دا جوسپارلانعان. ەۇاك وتىرىسىنىڭ شاعىن جانە كەڭەيتىلگەن فورماتى ەسكەرىلگەن.
بۇگىنگى كەڭەيتىلگەن قۇرامداعى وتىرىستىڭ كۇن تارتىبىنە ەۋرازيالىق ەكونوميكالىق وداققا مۇشە مەملەكەتتەردەگى ماكروەكونوميكالىق جاعدايى جانە تۇراقتى ەكونوميكالىق دامۋدى قامتاماسىز ەتۋ جونىندەگى ۇسىنىستار, اۋىل شارۋاشىلىعى ونىمدەرىن جەدەلدەتىلگەن كونتەينەرلىك تەمىرجولدىق تاسىمالداۋدى جۇزەگە اسىرۋ جونىندەگى بىرلەسكەن جوبا تۋرالى, ەاەو كەدەندىك اۋماعىنا اكەلىنەتىن تاۋارلاردىڭ باقىلاۋ تەتىگى تۋرالى كەلىسىمىن ىسكە اسىرۋ جايىندا ماسەلەلەر جانە باسقا دا تاقىرىپتار كىرەدى.
ايتا كەتەيىك, قر پرەمەر-ءمينيسترى ءاليحان سمايىلوۆ ەۋرازيالىق ۇكىمەتارالىق كەڭەس وتىرىسى اياسىندا ەۋرازيالىق ەكونوميكالىق كوميسسيا القاسىنىڭ توراعاسى ميحايل مياسنيكوۆيچپەن كەلىسسوز جۇرگىزدى.
