ءوڭىر باسشىسى اتاپ وتكەندەي, الماتى تاۋ كلاستەرى اياسىندا جالپى سوماسى 546,7 ملرد تەڭگەگە 8 جوبانى جۇزەگە اسىرۋ جوسپارلانعان, وسىلايشا, 6 مىڭنان استام جۇمىس ورنى اشىلادى دەپ كۇتىلۋدە.
«تۋريزم سالاسىنا دۇرىس كوزقاراسپەن قارايتىن بولساق, ونى ەكونوميكانىڭ تولىققاندى درايۆەرىنە اينالدىرۋعا بولادى. الماتى تاۋ كلاستەرىن, الاكول جانە بالقاش كولدەرىنىڭ جاعالاۋلارىن, ۇلتتىق تابيعي ساياباقتارداعى ەكولوگيالىق ءتۋريزمدى دامىتۋ باسىمدىق بولىپ تابىلادى», دەپ اتاپ ءوتتى قانات بوزىمباەۆ.
ەسكە سالا كەتسەك, بۇگىن الماتى وبلىسىنىڭ اكىمى قانات بوزىمباەۆ جۋرناليستەرمەن ءباسپاسوز كونفەرەنتسياسىن وتكىزدى. كۇن تارتىبىندە ءوڭىردى دامىتۋعا قاتىستى بىرقاتار وزەكتى ماسەلەلەر تۇردى.
