مامانداردىڭ پايىمداۋىنشا بالىقتاردىڭ قىرىلۋىنا سۋداعى وتتەگىنىڭ ازدىعى سەبەپ بولىپ وتىر.
«بالىق شاباقتارىنىڭ جاپپاي قىرىلۋىنا بايلانىستى 19 اقپان كۇنى وسىعان دەيىن بەكىتىلگەن 2021-2023 جىلدار ارالىعىنداعى قىس مەزگىلىندە بالىق شارۋاشىلىعى سۋ ايدىندارىندا جانە (نەمەسە) ۋچاسكەلەرىندە بالىقتاردىڭ جاپپاي قىرىلۋ قاتەرىنە جول بەرمەۋ جونىندەگى ءىس-شارالار جوسپارىنا سايكەس, قۇزىرلى ورگاندارمەن بىرگە زەردەلەۋ جۇمىسىن جۇرگىزدى. جالپى كولەمى بويىنشا كانال ۇزىندىعى - 1,2 كم جۋىق, ەنى - 16 م. زەرتتەۋ بارىسىندا كانال بويىنان بىرنەشە ويىق ويىلىپ, بالىق قىرىلعانى (تورتا, تابان, اقبالىق) انىقتالدى. كانال بويىنداعى قىرىلعان بالىق شاباقتارىنىڭ جالپى سالماعى 975,2 كگ, ەڭ كىشى ۇزىندىعى - 4,5 سم, ەڭ ۇلكەنى - 10 سم. زەرتتەۋ جۇرگىزۋ كۇنى سۋداعى وتتەگى مولشەرى 3,5 مگ/دم³, تەمپەراتۋراسى 2,5 ºس, ورتاشا تەرەڭدىگى 2,5 م قۇراعان. عىلىمي ۇيىمنىڭ مامانى ءوزىنىڭ الدىن الا تۇجىرىمداماسىندا وتتەگىنىڭ ازدىعى بالىقتار تىرشىلىگى ءۇشىن قولايسىز ەكەندىگىن بىلدىرگەن» دەلىنگەن كوميتەت حابارلاماسىندا.
