«كونور ەكەۋمىزدىڭ جەكپە-جەكتەرىمىزگە ءتان تاريح سوڭىنا جەتتى. مەن ونىمەن العاش رەت جارتىلاي جەڭىل سالماقتا كەزدەستىم. ارادا جەتى جىل وتكەننەن كەيىن جەڭىل سالماقتا ەكى مارتە باسىم ءتۇستىم. ونىمەن ءتورتىنشى مارتە كەزدەسۋدىڭ ءمانى جوق سياقتى. راسىندا دا ءبىزدىڭ شايقاستار تاريح قوينىندا قالدى. ال ونىمەن ءبىر عانا جاعدايدا توبەلەسۋگە بولادى. ارينە, قوماقتى قارجى ءۇشىن ەكەنى راس. ونى ەكى مارتە جەڭدىم. ءۇشىنشى رەت كونوردى بۇرىنعىدان دا جىلدام جەڭە الامىن با دەگەن عانا قىزىعۋشىلىق بولماسا, باسقا تۇك جوق.
ەندىگارى مەن ءۇشىن ماڭىزى زور شايقاستارعا عانا شىعامىن. نەيت ديازدىڭ شايقاستارىن كورىپ وسكەن اداممىن. ديازدىڭ ۇلكەنىن دە, كىشىسىن دە سىيلايمىن. ستيلدىك تۇرعىدان ەكەۋمىزدىڭ جەكپە-جەگىمىز جانكۇيەرلەر ءۇشىن قىزىق بولادى دەپ پايىمدايمىن. بۇل – جىل جەكپە-جەگى. مەن تەك سونداي كەزدەسۋلەرگە قاتىسقىم كەلەدى», دەيدى سپورتشى.
