ورتالىق كوممۋنيكاتسيا قىزمەتىندە استانا قالالىق مادەنيەت باسقارماسىنىڭ باسشىسى بولات ماجاعۇلوۆ جانە اكىمدىكتىڭ ىشكى ساياسات باسقارماسىنىڭ باسشىسى بولات تىلەپوۆتىڭ قاتىسۋىمەن بريفينگ بولىپ ءوتتى. وندا استانا قالاسىندا ۇلىستىڭ ۇلى كۇنى – ناۋرىز مەرەكەسىن اتاپ وتۋگە بايلانىستى جوسپارلانعان شارالار اۋقىمى تىلگە تيەك ەتىلدى.
قالا بويىنشا ناۋرىز مەيرامىن مەرەكەلەۋ اياسىندا 13-25 ناۋرىز ارالىعىندا 300-دەن استام مەرەكەلىك شارالاردىڭ ۇيىمداستىرىلۋى كوزدەلگەن. ول شارالار قالانىڭ كونتسەرتتىك الاڭدارىندا, مەكەمە جانە كاسىپورىندارىندا وتكىزىلمەك.
بالاباقشا مەن مەكتەپتەر قابىرعاسىندا ناۋرىز مەيرامىنا ارنالعان ءتۇرلى مادەني شارالار مەن كونتسەرتتىك باعدارلامالار وتەدى. وندا ۇلتتىق تاعامدار داستارقانعا قويىلىپ, ۇلتتىق ونەر ۇلىقتالادى. ال جوعارى وقۋ ورىندارىنداعى ناۋرىزعا ارنالعان كەشەندى ءىس-شارالارعا 400-دەن استام ستۋدەنت جۇمىلدىرىلادى. مەرەكە كۇندەرى الەۋمەتتىك جاعىنان از قامتىلعان تۇرعىندار دا نازاردان تىس قالمايدى. از قامتاماسىز ەتىلگەن 590 وتباسىعا 2 ميلليون 850 مىڭ تەڭگە كولەمىندە بىرجولعى قارجىلاي كومەك كورسەتىلدى. 22 ناۋرىز «دۋمان» ويىن-ساۋىق ورتالىعىندا مۇمكىندىگى شەكتەۋلى بالالارعا ارنالعان مەرەكەلىك قويىلىم كورسەتىلەدى. سونداي-اق, الەۋمەتتىك كومەك رەتىندە 500-گە جۋىق ازىق-ت ۇلىك قورجىندارى تاراتىلادى.
ناۋرىز مەرەكەسىن تويلاۋعا ارنالعان نەگىزگى مەرەكەلىك شارالار كەشە «قازاق ەلى» مونۋمەنتى الاڭىندا ءوتتى. قالالىق مادەنيەت باسقارماسىنىڭ باسشىسى ب.ماجاعۇلوۆتىڭ ايتۋىنشا, مەرەكەلىك شارالارعا الماتى, پاۆلودار, اقتوبە, اتىراۋ, جامبىل, سولتۇستىك قازاقستان جانە اقمولا وبلىستارىنىڭ ونەر ۇجىمدارىنان 350-دەن استام ونەرپاز قاتىستى. ناۋرىز مەرەكەسىنىڭ نەگىزگى شارالارى 21-22 ناۋرىز كۇندەرى وتۋدە. الاڭعا 40 كيىز ءۇي, 5 شاتىر تىگىلىپ, 3 ساحنا ورناتىلعان. مادەنيەت باسقارماسى باسشىسىنىڭ ايتۋىنشا, بارلىق قارجى كوزدەرىنەن قالانى بەزەندىرۋ شارالارىنا 125 ميلليون تەڭگە, ال مەرەكەلىك شارالارعا 150 ميلليون تەڭگە قارجى جۇمسالعان.
استانا قالاسى اكىمدىگى ىشكى ساياسات باسقارماسىنىڭ باسشىسى بولات تىلەپوۆتىڭ ايتۋىنشا, مەرەكە شەڭبەرىندە الەۋمەتتىك ماڭىزى بار شارالارعا باسا ءمان بەرىلىپ وتىر. بيىلعى باعدارلامادا 16 الەۋمەتتىك جوبا بار. ونىڭ ىشىندە جاعدايى تومەن وتباسىلارعا, جالعىزىلىكتى زەينەتكەرلەرگە ماتەريالدىق كومەكتەن بولەك, قارتتار ۇيىندە, مۇگەدەكتەر ەمحاناسىندا مەرەكەلىك داستارقان باسىندا ءتۇرلى قويىلىمدار كورسەتىلەدى. سونىمەن بىرگە, تسيركتە, قالامىزدىڭ بارلىق كينوتەاترلارىندا جەتىم جانە اتا-انانىڭ قامقورلىعىنسىز قالعان بالالارعا تەگىن شارالار كورسەتىلەدى. ىشكى ساياسات باسقارماسى باسشىسىنىڭ ايتۋىنشا, مەرەكە كۇندەرى قالا تۇرعىندارى مەن قوناقتارىنا ساۋدا ورتالىقتارىندا, ويىن-ساۋىق ورىندارىندا 10 پايىز جەڭىلدىكتەرمەن ساۋدا-ساتتىق جانە قىزمەت كورسەتىلەدى.
ۇلىستىڭ ۇلى كۇنى, ياعني 22 ناۋرىزدا قالالىق اكىمدىك جانىنداعى الاڭدا كەشكى ساعات 19.00-دە «ناۋرىز مەيرامى» مەرەكەسىنە ارنالعان ۇلكەن كونتسەرت بولادى. وعان «جىگىتتەر», «دابىل», «رەترو», «جالىن» توپتارى, مارجان اراپباەۆا, جادي, مەدەت شايكەلوۆ جانە باسقا وتاندىق ەسترادا ونەرپازدارى قاتىسادى.
جىلقىباي جاعىپار ۇلى,
«ەگەمەن قازاقستان».
قالا بويىنشا ناۋرىز مەيرامىن مەرەكەلەۋ اياسىندا 13-25 ناۋرىز ارالىعىندا 300-دەن استام مەرەكەلىك شارالاردىڭ ۇيىمداستىرىلۋى كوزدەلگەن. ول شارالار قالانىڭ كونتسەرتتىك الاڭدارىندا, مەكەمە جانە كاسىپورىندارىندا وتكىزىلمەك.
بالاباقشا مەن مەكتەپتەر قابىرعاسىندا ناۋرىز مەيرامىنا ارنالعان ءتۇرلى مادەني شارالار مەن كونتسەرتتىك باعدارلامالار وتەدى. وندا ۇلتتىق تاعامدار داستارقانعا قويىلىپ, ۇلتتىق ونەر ۇلىقتالادى. ال جوعارى وقۋ ورىندارىنداعى ناۋرىزعا ارنالعان كەشەندى ءىس-شارالارعا 400-دەن استام ستۋدەنت جۇمىلدىرىلادى. مەرەكە كۇندەرى الەۋمەتتىك جاعىنان از قامتىلعان تۇرعىندار دا نازاردان تىس قالمايدى. از قامتاماسىز ەتىلگەن 590 وتباسىعا 2 ميلليون 850 مىڭ تەڭگە كولەمىندە بىرجولعى قارجىلاي كومەك كورسەتىلدى. 22 ناۋرىز «دۋمان» ويىن-ساۋىق ورتالىعىندا مۇمكىندىگى شەكتەۋلى بالالارعا ارنالعان مەرەكەلىك قويىلىم كورسەتىلەدى. سونداي-اق, الەۋمەتتىك كومەك رەتىندە 500-گە جۋىق ازىق-ت ۇلىك قورجىندارى تاراتىلادى.
ناۋرىز مەرەكەسىن تويلاۋعا ارنالعان نەگىزگى مەرەكەلىك شارالار كەشە «قازاق ەلى» مونۋمەنتى الاڭىندا ءوتتى. قالالىق مادەنيەت باسقارماسىنىڭ باسشىسى ب.ماجاعۇلوۆتىڭ ايتۋىنشا, مەرەكەلىك شارالارعا الماتى, پاۆلودار, اقتوبە, اتىراۋ, جامبىل, سولتۇستىك قازاقستان جانە اقمولا وبلىستارىنىڭ ونەر ۇجىمدارىنان 350-دەن استام ونەرپاز قاتىستى. ناۋرىز مەرەكەسىنىڭ نەگىزگى شارالارى 21-22 ناۋرىز كۇندەرى وتۋدە. الاڭعا 40 كيىز ءۇي, 5 شاتىر تىگىلىپ, 3 ساحنا ورناتىلعان. مادەنيەت باسقارماسى باسشىسىنىڭ ايتۋىنشا, بارلىق قارجى كوزدەرىنەن قالانى بەزەندىرۋ شارالارىنا 125 ميلليون تەڭگە, ال مەرەكەلىك شارالارعا 150 ميلليون تەڭگە قارجى جۇمسالعان.
استانا قالاسى اكىمدىگى ىشكى ساياسات باسقارماسىنىڭ باسشىسى بولات تىلەپوۆتىڭ ايتۋىنشا, مەرەكە شەڭبەرىندە الەۋمەتتىك ماڭىزى بار شارالارعا باسا ءمان بەرىلىپ وتىر. بيىلعى باعدارلامادا 16 الەۋمەتتىك جوبا بار. ونىڭ ىشىندە جاعدايى تومەن وتباسىلارعا, جالعىزىلىكتى زەينەتكەرلەرگە ماتەريالدىق كومەكتەن بولەك, قارتتار ۇيىندە, مۇگەدەكتەر ەمحاناسىندا مەرەكەلىك داستارقان باسىندا ءتۇرلى قويىلىمدار كورسەتىلەدى. سونىمەن بىرگە, تسيركتە, قالامىزدىڭ بارلىق كينوتەاترلارىندا جەتىم جانە اتا-انانىڭ قامقورلىعىنسىز قالعان بالالارعا تەگىن شارالار كورسەتىلەدى. ىشكى ساياسات باسقارماسى باسشىسىنىڭ ايتۋىنشا, مەرەكە كۇندەرى قالا تۇرعىندارى مەن قوناقتارىنا ساۋدا ورتالىقتارىندا, ويىن-ساۋىق ورىندارىندا 10 پايىز جەڭىلدىكتەرمەن ساۋدا-ساتتىق جانە قىزمەت كورسەتىلەدى.
ۇلىستىڭ ۇلى كۇنى, ياعني 22 ناۋرىزدا قالالىق اكىمدىك جانىنداعى الاڭدا كەشكى ساعات 19.00-دە «ناۋرىز مەيرامى» مەرەكەسىنە ارنالعان ۇلكەن كونتسەرت بولادى. وعان «جىگىتتەر», «دابىل», «رەترو», «جالىن» توپتارى, مارجان اراپباەۆا, جادي, مەدەت شايكەلوۆ جانە باسقا وتاندىق ەسترادا ونەرپازدارى قاتىسادى.
جىلقىباي جاعىپار ۇلى,
«ەگەمەن قازاقستان».
