بايشەشەك گۇل – ناۋرىز نىشانى

ءار حالىقتىڭ جىل باسى – جاڭا جىلدى تويلاۋدا ءوز ەرەكشەلىكتەرى بار. مىسالى, جاپون حالقى جاڭا جىلدى ساكۋرا اعاشى گۇلدەگەندە گۇل شوقتارىمەن تويلايدى. تۇركى دۇنيەسىندەگى العاشقى قارلىعاشتاردىڭ ءبىرى بولىپ ءبىز دە مەرەكەگە گۇلدى نىشان ەتىپ الساق دەگەن ۇسىنىس ايتقىم كەلەدى. 22 ناۋرىز – كۇن مەن ءتۇن تەڭە­سەتىن مەزگىل بولىپ ەسەپتەلەدى. سامارقانىڭ كوك تاسى ءجىبيدى دەپ تە ايتىلادى. ەندەشە, سول كۇنى كەلەتىن جاڭا جىل مەرەكەسىن تەك قانا كوكتەمدە ءومىر سۇرۋگە جارالعان, كەلگەن جىلدىڭ ەڭ العاشقى پەرزەنتى تارىزدەس قازاق جەرىندە العاش گۇل­دەيتىن – بايشەشەك گ ۇلىمەن قارسى الساق دەيمىن. ناۋرىز مەرەكەسىنىڭ سيمۆولى وسى گۇل بولسا. قازاقتار ءبىر-بىرىنە بايشەشەك گ ۇلىن سىيلاپ, بارلىق جەر بايشە­شەكپەن بەزەندىرىلسە, ءارى قاراي ۇلتتىق كيىمدەرمەن ۇلتتىق ويىن-ساۋىقتار ۇيىمداستىرىلا بەرەدى. ارينە, بۇل ويلاردى جالعاستىرا بەرۋگە دە بولادى. ەڭ باستىسى, نىشان – بايشەشەك گ ۇلى بولسا دەپ ويلايمىن. ۇسىنىس قابىل الىنىپ, ناسيحاتتالىپ جاتسا, حالىق ءداستۇرى مەن مادەنيەتىنە قوسىلعان ۇلەس بولار ەدى. باۋىرلاس تۇركى ەلدەرى دە قازاقستاننان شىققان بۇل باستاماعا قۋانىپ قالۋى مۇمكىن. باستىسى, بۇل ماسەلەدە تۇركى الەمىندە العاشقى بولىپ جول سالار ەدىك. ەسەنكۇل توكەەۆا.