دەپۋتات وفيس ديرەكتورىمەن كەزدەستى

ءماجىلىس دەپۋتاتى, ازيا پارلامەنتشىلەرى فورۋمى توراعاسىنىڭ ورىنباسارى ايتكۇل ساماقوۆا بىرىككەن ۇلتتار ۇيىمى حالىقتى قونىستاندىرۋ سالاسىن­داعى قورىنىڭ (يۋنفپا) ورتالىق ازيا بويىنشا سۋب-ايماقتىق ءوفيسىنىڭ ديرەكتورى نيكولاي بوتەۆپەن كەزدەستى, دەپ حابارلادى ءماجىلىستىڭ ءباسپاسوز قىزمەتى. بەدەلدى ۇيىمنىڭ وكىلىمەن جۇزدەسۋدە «قازاقستان-2050» ستراتەگياسىنىڭ ماڭىزى جايىندا ايتىلدى. سونىمەن قاتار, مەيمان حالىقتى قونىستاندىرۋ ماسەلەسىندە قازاقستاندىق تاجىريبەگە قىزىعۋشىلىق تانىتتى. بىرىككەن ۇلتتار ۇيىمى حالىقتى قونىستاندىرۋ سالا­سىنداعى قورى مەن قازاقستاندىق پارلامەنتشىلەردىڭ جۇمىسىنا توقتالدى. جۇزدەسۋدە اتالعان قوردىڭ الداعى جوسپارىمەن تانىسىپ, ورتالىق ازيا­عا تۇراق­تانعان حالىقتىڭ الەۋ­مەتتىك حال-جاعدايى بويىنشا پىكىر الماسىلدى. ءوز كەزەگىندە ايتكۇل سا­ما­قوۆا جاستاردىڭ دەنساۋلىعى مەن ۇرپاق وربىتۋىنە قاتىس­تى ماسە­لەلەر جايىندا اڭگىمە­لەدى.حالىققا مەديتسينا­لىق قىزمەت كورسەتۋ, حالىقتىڭ ءومىر جاسىنىڭ ۇزاقتىعى سياق­تى وزەكتى ويلاردى ورتاعا سالدى. تاراپتار اتالعان ماسەلەلەر­گە بايلانىستى ىنتىماقتاستىق­تى كەڭەيتۋ قاجەتتىگىنە سەنىم ءبىلدىردى. كەزدەسۋگە ءماجىلىستىڭ ەكو­لوگيا ماسەلەلەرى جانە تابيعات پايدالانۋ كوميتەتىنىڭ حاتشىسى شاۆحات وتەمىسوۆ پەن بىرىككەن ۇلتتار ۇيىمى حالىقتى قونىس­تاندىرۋ سالاسىنداعى قورىنىڭ قازاقستان بويىنشا اتقارۋشى وكىلى رايىمبەك سەيسەماليەۆ قاتىستى.