زەينەتاقى جيناقتارىنىڭ نەگىزگى سوماسى مىندەتتى زەينەتاقى جارنالارى ەسەبىنەن قالىپتاسقان – 12,7 ترلن تەڭگە. ءبىر جىلداعى ءوسىم – 1 پايىز. ال مىندەتتى كاسىپتىك زەينەتاقى جارنالارى ءبىر جىلدا 15 پايىزعا ۇلعايعان – 361 ملرد تەڭگە. ەرىكتى زەينەتاقى جارنالارى بويىنشا 1,7 ملرد تەڭگە جيناقتالعان.
بىلتىر قور سالىمشىلارى 2020 جىلمەن سالىستىرعاندا 1,5 ەسە كوپ قاراجات سالعان. وسى جىلدىڭ 1 قاڭتارىنداعى جاعداي بويىنشا 2021 جىلدىڭ 12 ايىندا سالىمشىلاردىڭ شوتىنا شامامەن 1,3 ترلن تەڭگە جارنا تۇسكەنى بەلگىلى بولدى. بۇل 2021 جىلدىڭ سايكەس كەزەڭىندەگى كورسەتكىشتەن 255,7 ملرد تەڭگەگە كوپ. جارنالاردىڭ جالپى كولەمىنىڭ 95,8 پايىزى مىندەتتى زەينەتاقى جارنالارىنا تيەسىلى – 1,3 ترلن تەڭگە, سوڭعى 12 ايداعى ءوسىم – 24 پايىز. مىندەتتى كاسىپتىك زەينەتاقى جارنالارىنىڭ كولەمى – 55,6 ملرد تەڭگە ء(وسىم 19 پايىز). ەرىكتى زەينەتاقى جارنالارى 799 ملن تەڭگەگە تەڭ ء(وسىم 48 پايىز).
زەينەتاقى جيناقتارىنىڭ وسۋىنە تازا ينۆەستيتسيالىق تابىس تا ايتارلىقتاي ۇلەس قوسقان. بۇل رەتتە تازا ينۆەستيتسيالىق تابىس 2021 جىلدىڭ 1 قاڭتارى مەن 2022 جىلدىڭ 1 قاڭتارى ارالىعىندا 1,4 ترلن تەڭگەگە جەتكەن. بۇل بۇدان ءبىر جىل بۇرىنعى كورسەتكىشتەن 138,2 ملرد تەڭگەگە نەمەسە 11 پايىزعا كوپ. ۇلتتىق بانكتىڭ باسقارۋىنداعى بجزق زەينەتاقى اكتيۆتەرىنىڭ 2021 جىلدىڭ باسىنان بەرگى كىرىستىلىگى 11,13 پايىزدى قۇرادى. ال ءدال وسى ارالىقتاعى ينفلياتسيا 8,4 پايىزعا تەڭ.
2022 جىلدىڭ 1 قاڭتارىنداعى جاعداي بويىنشا قورداعى جەكە زەينەتاقى شوتتارىنىڭ سانى 11,7 ملن بىرلىككە جەتتى. شوتتاردىڭ ەڭ كوپ مولشەرى مىندەتتى زەينەتاقى جارنالارى بويىنشا اشىلعان – 10 871 285. مىندەتتى كاسىپتىك زەينەتاقى جارنالارى ەسەبىنەن قالىپتاسقان شوتتار سانى – 547 136. ەرىكتى زەينەتاقى جارنالارى ەسەبىنەن 61 604 شوت اشىلعان.
جىل باسىنان بەرى بجزق سالىمشىلارىنا 2,9 ترلن تەڭگە تولەندى. ونىڭ باسىم بولىگى تۇرعىن ءۇي جاعدايىن جاقسارتۋ جانە ەمدەۋ ماقساتتارىنا ارنالعان بىرجولعى زەينەتاقى تولەمدەرىنە تيەسىلى – 2,6 ترلن تەڭگە. جاسىنا بايلانىستى تولەمدەر 101,4 ملرد تەڭگەنى قۇرادى. ساقتاندىرۋ ۇيىمدارىنا 60,5 ملرد تەڭگە اۋدارىلعان. مۇراگەرلىك تولەمدەر 57,5 ملرد تەڭگەنى قۇرادى. ەل اۋماعىنان تىسقارى جەرگە تۇراقتى تۇرۋعا كەتكەندەرگە 41,3 ملرد تەڭگە ۇلەستىرىلگەن. جەرلەۋگە ارنالعان تولەمدەر 5,4 ملرد تەڭگەنى, ال مۇگەدەكتىك بويىنشا تولەمدەر 2,2 ملرد تەڭگەنى قۇرادى.
كەستە بويىنشا بجزق-دان الىنعان اي سايىنعى ورتاشا تولەم سوماسى (زەينەت جاسىنا تولۋىنا بايلانىستى) 28 471 تەڭگەنى, ال اي سايىنعى ەڭ جوعارى تولەم سوماسى 707 326 تەڭگەنى قۇرادى.
