قازاقستان رەسپۋبليكاسى ۇكىمەتىنىڭ قاۋلىسى №47

2014 جىلعى 4 اقپان, استانا, ۇكىمەت ءۇيى «رەتتەلىپ كورسەتىلەتىن قىزمەتتەرگە تاريفتەردى (باعالاردى, الىمدار ستاۆكالارىن) نەمەسە ولاردىڭ شەكتى دەڭگەيلەرىن جانە تاريفتىك سمەتالاردى بەكىتۋ كەزىندە شىعىندارى ەسكەرىلەتىن تاۋارلاردى, جۇمىستار مەن قىزمەتتەردى تابيعي مونوپوليالار سۋبەكتىلەرىنىڭ ساتىپ الۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى  5 جەلتوقسانداعى №1467 قاۋلىسىنا وزگەرىس پەن تولىقتىرۋ ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «رەتتەلىپ كورسەتىلگەن قىزمەتتەرگە تاريفتەردى (باعالاردى, الىمدار ستاۆكالارىن) نەمەسە ولاردىڭ شەكتى دەڭگەيلەرىن جانە تاريفتىك سمەتالاردى بەكىتۋ كەزىندە شىعىندارى ەسكەرىلەتىن تاۋارلاردى, جۇمىستار مەن قىزمەتتەردى تابيعي مونوپوليالار سۋبەكتىلەرىنىڭ ساتىپ الۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 5 جەلتوقسانداعى №1467 قاۋلىسىنا (قازاقستان رەسپۋبليكاسىنىڭ ءپۇاج-ى, 2012 ج., №6, 124-قۇجات) مىناداي وزگەرىس پەن تولىقتىرۋ ەنگىزىلسىن: كورسەتىلگەن قاۋلىمەن بەكىتىلگەن رەتتەلىپ كورسەتىل­گەن قىزمەتتەرگە تاريفتەردى (باعالاردى, الىمدار ستاۆكا­لا­رىن) نەمەسە ولاردىڭ شەكتى دەڭگەيلەرىن جانە تاريفتىك ستاۆكالاردى بەكىتۋ كەزىندە شىعىندارى ەسكەرىلەتىن تاۋارلاردى, جۇمىستار مەن قىزمەتتەردى تابيعي مونوپوليالاردى سۋبەكتىلەرىنىڭ ساتىپ الۋ قاعيدالارىندا: 5-تارماقتا: 4) تارماقشا مىناداي رەداكتسيادا جازىلسىن: «4) گاز تاپشىلىعى بولعان كەزدە ونىڭ يمپورتىن جۇزەگە اسىراتىن ۇيىمداردان گاز ساتىپ الۋ;»; مىناداي مازمۇنداعى 5) تارماقشامەن تولىقتى­رىلسىن: «5) قازاقستان رەسپۋبليكاسىنىڭ جاڭارتىلعان ەنەرگيا كوزدەرىن پايدالانۋدى قولداۋ سالاسىنداعى زاڭناماسىنا سايكەس ەلەكتر ەنەرگياسىن ساتىپ الۋ جاعدايلارىن قوسپاعاندا, ستراتەگيالىق تاۋار وندىرۋشىلەردەن تىكەلەي ساتىپ الۋدى جۇزەگە اسىرادى.». 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى            س.احمەتوۆ.