الۋان تۇرلىلىكتەگى تۇتاستىق

لەوناردو دا ءۆينچيدىڭ قولجازبالارى, سۋرەتتەرى مەن سىزبالارى ساقتالعان اتاقتى «امبروزيانا» كىتاپ­­­­حاناسى زالدارىنىڭ بىرىندە قازاقستان ەلشىلىگى «الۋان تۇرلىلىكتەگى تۇتاستىق. بۇگىنگى قازاقستاننىڭ ەتنوستىق توپتارى, دىندەرى مەن مادەنيەتتەرى» مونوگرافياسىنىڭ تۇساۋكەسەرىنە ارنالعان دوڭگەلەك ۇستەل وتكىزدى. اتالعان مونوگرافيانى «ەۋ­رازيا» باعدارلاماسى شەڭ­­­بە­رىندە يتاليانىڭ ISAG ينستي­تۋ­تىنىڭ ساراپشىلارى مەن عىلىمي قىزمەتكەرلەرى ازىرلەدى. باسى­لىمدا دىنارالىق ۇنقاتىسۋ ماسە­­­لەلەرى مەن قازاقستاننىڭ وسى سالا­داعى سايا­ساتى جونىندەگى ماقالالار, سۇحباتتار جانە ساراپ­تامالىق ماتەريالدار, پرەزيدەنت ن.نازارباەۆتىڭ الەمدىك جانە ءداستۇرلى دىندەر كوشباسشىلارىنىڭ 3 سەزىندە سويلەگەن ءسوزى, سونداي-اق, قازاقستان­نىڭ ۇلتتىق بىرلىگى دوكتريناسى مەن «قازاقستان حال­قى اسسامبلەياسى تۋرالى» قازاق­ستان رەسپۋبليكاسىنىڭ زاڭى سياقتى قۇجاتتار قامتىلعان. اتال­عان شاراعا يتاليانىڭ ءدىن سالاسىنداعى جەتەكشى ساراپشىلارى, قوعام قايراتكەرلەرى, مادەنيەت جانە عىلىم قايراتكەرلەرى, ميلان ۋنيۆەرسيتەتىنىڭ پروفەسسورلارى مەن وقىتۋشىلارى قاتىستى. قازاقستاننىڭ يتالياداعى ەل­شىسى ا.ەلەمەسوۆ ءوزىنىڭ ءسوزىن­دە يتاليالىق قاۋىمدى تاۋەل­سىز قا­زاقستانداعى مەملە­كەت­تىك سايا­سات­تىڭ نەگىزگى قاعيدا­سىنا اينال­­­عان ءدىنارا­لىق تولەرانت­­­­تىلىق­تىڭ ەرەكشەلىك­­­­تەرىمەن تانىس­تى­­­رىپ ءوتتى. 20 جىلدان استام ۋا­قىت قازاقستاندا تۇرعان, ال قازىر «امبرو­زيانا» كىتاپحاناسىنىڭ عى­لى­مي قىزمەتكەرى بولىپ تابىلاتىن مي­لاندىق پروفەسسور جانە كاتوليك ءدىنىنىڭ قىزمەتشىسى ەدۋاردو كا­نەتتا قازاقستانداعى جيناعان ءوزى­نىڭ جۇمىس تاجىريبەسىمەن ءبولىستى. يتاليا تاراپى قازاقستاننىڭ ءدىن سالاسىنداعى ساياساتى بۇكىل دۇنيەجۇزى بويىنشا قىزىعۋشىلىق تۋدىرىپ وتىرعاندىعىن اتاپ ءوتتى. «ەگەمەن-اقپارات».