ءوزارا مۇددەلەستىك تانىتىلدى

«حوفبۋرگ» سارايىندا قازاقستان رەسپۋبليكا­سىنىڭ توتەنشە جانە وكىلەتتى ەلشىسى قايرات سارىبايدىڭ اۆستريا رەسپۋبليكاسىنىڭ فەدەرالدىق پرەزيدەنتى حاينتس فيشەرگە سەنىم گراموتاسىن تاپسىرۋ سالتاناتى بولىپ ءوتتى. سۇحبات بارىسىندا قازاق­ستاندىق ديپلومات اۆستريا باسشىسىنا قازاقستان پرەزيدەنتى ن.نازارباەۆتىڭ سالەمىن جەت­­­­كىزدى. ءوز كەزەگىندە, ح.فيشەر قا­زاقستان باسشىسىنىڭ جىلى لە­بىزدەرىنە ريزاشىلىعىن ءبىل­دىرە كەلە, قازاقستان-اۆستريا قا­تىناسىنىڭ دامۋىنا ۇلكەن ما­ڭىز بەرەتىنىن اتاپ ءوتتى. ساۋدا-ەكو­نوميكالىق بايلانىستىڭ تابىس­تى ءوربۋىن ايتا وتىرىپ, ول بۇل سا­لانىڭ زور الەۋەتىنە نازار اۋداردى. ەلشى قازاقستان اۆستريانىڭ جاسىل تەحنولوگيا­لار, قۇرىلىس جانە تۋريزم سالالارىنداعى ۇزدىك جەتىس­تىكتەرىن ەسەپكە الا وتىرىپ, وسى ەل تاراپى­­­نان ينۆەستيتسيالاردىڭ ۇلعاي­­­­­تى­لۋىنا مۇددەلى ەكەنىن اتاپ ءوتتى. ق.سارىباي استانادا وتەتىن ەكسپو-2017 حالىق­ارالىق مامانداندىرىلعان كورمەسى اۆستريالىق كومپانيالار ءۇشىن ءتيىمدى الاڭ بولا الاتىنىنا نازار اۋداردى. سۇحبات سوڭىندا ح.فيشەر پرەزيدەنت ن.نازارباەۆقا ءوزىنىڭ ىزگى تىلەكتەرىن جەتكىزىپ, ەلشىنى لاۋازىمدىق مىندەتتەرىنە رەسمي كىرىسۋىمەن قۇتتىقتادى. «ەگەمەن-اقپارات».