ەسىرتكى ساتقان ۇستاز

مەركى اۋدانىنداعى مەكتەپتەردىڭ بىرىندەگى 44 جاستاعى ح. اتتى مۇعاليما  ەسىرتكى زاتتارىن ساقتاعانى جانە ساتقانى ءۇشىن ۇستالدى. ونىڭ ءۇي-جايىن تىنتكەن كەزدە 34 بۋما ماريحۋانا تابىلدى. كۇدىكتى  ۇستاز پوليتسياعا ەسىرتكىلەردى ساتىپ الۋشىلاردىڭ اراسىندا ءوزىنىڭ وقۋشىلارى دا بولعانىن مويىنداعان. جەرگىلىكتى ءبىلىم سالاسىندا قىزمەت ەتكە­نىنە توعىز جىلداي ۋاقىت بولعان ونىڭ ءوزى ەكى بالالى انا. تەرگەۋ بارىسىندا ەسىرتكى وتكەرۋ سياقتى بىلعانىش ءىس-ارەكەتكە ونى ازاماتتىق نەكەدەگى كۇ­يەۋى ماجبۇرلەگەنى بەلگىلى بولدى. پولي­تسيا قىزمەتكەرلەرى, سونىمەن بىرگە, ەسىرتكى ساتۋمەن اينالىسقان مۇعالي­مانىڭ تاراز قالاسى مەن مەركى اۋىلىندا تۇراتىن 7 «ارىپتەسىن» دە قولعا ءتۇسىردى. وبلىستىق ءىىد ەسىرتكىگە قارسى كۇرەس باسقارماسىنىڭ باستىعى شوپىرحان جاپاباەۆتىڭ ايتۋىنشا, قولعا تۇسكەن­دەردىڭ ءبارى قىلمىستارىن مويىندارىنا العان. سونداي-اق, ۇستازىنان ەسىرتكى ساتىپ العان وقۋشىلار دا بەلگىلى بولدى. قازىر تەرگەۋ ودان ءارى ءجۇرىپ جاتىر. كوسەمالى ساتتىباي ۇلى, «ەگەمەن قازاقستان». جامبىل وبلىسى, مەركى اۋدانى, مەركى اۋىلى.