ۆەلوسپورتشى ەرلان پەرنەبەكوۆ ومىردەن وزدى

بۇگىن, 17 ناۋرىز كۇنى ەكۆادوردا ءوتىپ جاتقان وقۋ-جاتتىعۋ جيىندارى كەزىندە ينسۋلت العان «Astana Continental» كلۋبىنىڭ ۆەلوسپورتشىسى ەرلان پەرنەبەكوۆ قايتىس بولدى. بۇل تۋرالى  «Astana Pro Team» كومانداسىنىڭ ءباسپاسوز قىزمەتى حابارلادى. اتالعان كلۋبتىڭ حابارلاۋىنشا, 14 ناۋرىز كۇنى جەرگىلىكتى ۋاقىت بويىنشا كەشكە جاقىن ەرلان كەزەكتى جاتتىعۋلاردىڭ بىرىنەن كەيىن باس اۋرۋىمەن دارىگەرلەردىڭ كومەگىنە جۇگىنگەن. سول كەزدە ول اۋرۋحاناعا جەتكىزىلەدى. تەكسەرىس كەزىندە ەرلاننىڭ ميىنداعى قان تامىرلارىنىڭ ءبىرى ءۇزىلىپ كەتكەندىگى انىقتالدى. سودان كەيىن سپورتشىعا جاساندى كوما قولدانىلدى. بىراق, وسىنىڭ ءبارى ەرلاننىڭ ومىرىنە اراشا بولا المادى... قازىر سىرتقى ىستەر مينيسترلىگى ەرلان پەرنەبەكوۆتى ەلگە جەتكىزۋ ماسەلەسىن قاراستىرۋدا. داستان كەنجالين. دەرەككوز: http:// astanafans.com. فوتو: http:// astanafans.com.