سپورت • 24 قاڭتار، 2022

شاۆكات راح­مونوۆ لاس-ۆەگاستا جۇدىرىقتاسادى

1321 رەت كورسەتىلدى

ارالاس جەكپە-جەك الەمىندەگى ەڭ بەل­دى ۇيىم – UFC-دە كۇش سىناسىپ جۇرگەن قازاق­ستاندىق فايتەر شاۆكات راح­مونوۆ لاس-ۆەگاستا وتەتىن UFC Fight Night 200 ءتۋرنيرىنىڭ باستى جەكپە-جەگى­نىڭ بىرىندە جۇدىرىقتاساتىن بولدى.

5 اقپانعا جوسپارلانعان UFC كەشىندە جەرلەسىمىز گايانا وكىلى كارلستون حارريسپەن كۇش سىناسادى. اۋەلگى جوسپار بويىنشا بۇل جەكپە-جەك نەگىزگى ايقاستىڭ الدىندا وتەتىن تىزىمدە ەدى. كەيىننەن ۇيىمداستىرۋشىلار راحمونوۆ-حارريس كەزدەسۋىن ءبىر ساتى جوعارىلاتىپ، نەگىزگى جەكپە-جەكتەردىڭ تىزىمىنە قوستى. بۇل – شاۆكات راحمونوۆ ءۇشىن UFC-دەگى ءۇشىنشى، ال مەينكاردىنداعى دەبيۋت جەكپە-جەگى بولماق.

ايتا كەتەيىك، UFC-دە 2020 جىلدان بەرى ونەر كورسەتىپ كەلە جاتقان جەرلەسىمىز بۇگىنگە دەيىن ەكى كەزدەسۋ وتكىزىپ، ەكى رەتىندە دە قارسىلاستارىنان باسىم ءتۇستى.

سوڭعى جاڭالىقتار

ۇقساس جاڭالىقتار