ايماقتار • 24 قاڭتار، 2022

«پاراسات» – حالىق پەن بيلىك اراسىنداعى ۇنقاتىسۋ الاڭى

165 رەت كورسەتىلدى

تۇرعىندارى نارازىلىق ءبىلدىرىپ اكىمدىكتىڭ الدىنا جينالمايتىن، ۇرانداتىپ الاڭعا بارمايتىن، شەرۋگە شىقپايتىن اۋدان بار. تۇركىستان وڭىرىندە. كەز كەلگەن تۇرعىننىڭ كوكەيدە جۇرگەن وزەكتى ماسەلەنى، بەلگىلى ءبىر سالانىڭ جۇمىسىنا بايلانىستى كەمشىلىكتى، تۇرمىس-تىرشىلىكتى جاقسارتۋعا قاتىستى وي-پىكىرىن اشىق ايتۋىنا مۇمكىندىك جاسالعان. اكىمى باستاپ، باسقارما، ءبولىم باسشىلارى اۋىلداعىلاردىڭ الدىنا كەلىپ، جاعداي سۇرايدى.

«Egemen Qazaqstan» گازەتىنىڭ وتكەن جىلعى ءساۋىر ايىنداعى سانىندا تۇركىستان وبلىسى سايرام اۋدانىنداعى يگى باستامانى وسىلاي ناسيحاتتاپپىز. ماقالامىزدا «پاراسات» پىكىرتالاس كلۋبىنىڭ العاشقى وتىرىسىندا اۋدان اكىمى ۇلاسبەك سادىبەكوۆتىڭ: «ەگەر وسى اۋداننىڭ تىنىس-تىرشىلىگىنە بەيجاي قاراي الماساڭىز، ەگەر ءسىز ساي­رام اۋدانىنىڭ جاناشىرى بول­ساڭىز، شىندىقتى شىجعىرىپ بەتكە ايتاتىن بولساڭىز، شىعىڭىز دا ويىڭىزدى اشىپ ايتىڭىز»، دەگەن ءسوزىن كەلتىرگەنبىز. اكىمنىڭ ءوزى «ايتىڭىزدار» دەپ وتىرعان سوڭ، تۇرعىندار تارتىنباي، وزەكتى دەگەن ماسەلەلەردى ورتاعا سالعان. مەملەكەت باسشىسى قاسىم-جومارت توقاەۆتىڭ قازاقستان حالقىنا جول­داۋىندا «ازاماتتاردىڭ بارلىق سىندارلى ءوتىنىش-تىلەگىن جەدەل ءارى ءتيىمدى قاراستىراتىن «حالىق ۇنىنە قۇلاق اساتىن مەملەكەت» تۇجى­رىمداماسىن ىسكە اسىرۋ – بارىمىزگە ورتاق مىندەت» ەكەنى ايتىلعانىن، وسى ورايدا سايرام اۋدانىندا بي­لىك پەن قوعام اراسىندا تۇراقتى ديالوگ ورناتۋدىڭ وڭتايلى جولدارى قاراستىرىلىپ، جۇزەگە اسىرىلىپ جاتقانىن جەتكىزدىك، ەل گازەتى ارقىلى. ال كۇنى كەشە وبلىس اكىمى ومىرزاق شوكەەۆ سايرام اۋدانىنىڭ تاجىريبەسىن بارلىق اۋدان، قالادا قولدانۋ قاجەتتىگىن ايتتى.

اۋدان اكىمدىگى مەن Nur Otan پارتياسى فيليالى جانىنان قۇرىلعان «پاراسات» پىكىرتالاس كلۋبىندا جەر­گىلىكتى باسشىلار مەن حالىق تۇ­­راقتى تۇردە كەزدەسىپ، ەڭ وزەكتى ماسە­لەلەردى تالقىلايدى. ول ماسە­لەلەر زاڭ شەڭبەرىندە شەشىمىن تاۋىپ كەلەدى. قارابۇلاق اۋىلىندا اۋداننىڭ زيالى قاۋىم وكىلدەرىمەن جانە تۇرعىندارىمەن كەزدەسۋدە وبلىس اكىمى سايرامدىقتاردىڭ ۇسىنىستارى مەن تىلەكتەرىن تىڭدادى. ەل پرەزيدەنتى قاسىم-جومارت توقاەۆتىڭ تاپسىرماسىمەن باتىس جانە وڭتۇستىك وبلىستاردى دامىتۋ جوسپارى ازىرلەنەتىنىن، بۇل باستاما ەل الەۋەتىن كوتەرۋگە وڭ سەرپىن بەرەتىنىن اتاپ ءوتتى. سونىمەن بىرگە توتەنشە جاعداي كەزىندە بىرلىگى مەن تىنىشتىعىن ساقتاعان تۇركىستان جۇرتشىلىعىنا ريزاشىلىعىن ءبىلدىرىپ، بۇنىڭ ءبارى جەرگىلىكتى اكىم­دىكتەر مەن قوعام مۇشەلەرىنىڭ، حالىقتىڭ اراسىنداعى بايلانىستىڭ جاقسى دارەجەدە بولعانىنىڭ بەلگىسى ەكەندىگىن جەتكىزدى. ء«وڭىر تۇرعىن­دارىنىڭ اۋىزبىرشىلىگى مەن ءتارتىپ ساقشىلارىنىڭ، اكىمدىكتەردىڭ، قوعام بەلسەندىلەرى مەن زيالى قاۋىم جانە ەرىكتى جاستاردىڭ بىرلەسە اتقارعان جۇمىسى ناتيجەسىندە وبلىسىمىزدا بۇزاقىلىق وقيعالارى تىركەلگەن جوق. بەيبىت ميتينگتەر بولدى، بارىنە جەدەل ءتۇسىندىرۋ جۇمىسى جۇرگىزىلىپ، ديالوگ ورناتىلدى. ناتيجەسىندە، وبلىسىمىزدان توتەنشە جاعداي رەجىمى الىنىپ تاستالدى. كابينەتتە وتىرا بەرسەڭ، حالىقپەن كەزدەسىپ تۇرماساڭ، قوعامداعى كەيبىر ماسەلەلەردى بىلمەي قالۋىڭ مۇمكىن. سوندىقتان پاندەميا قولدى بايلاسا دا، اۋدان، قالالارعا ساپارىمدا مىندەتتى تۇردە ارداگەرلەرمەن، زيالى قاۋىممەن كەزدەسەمىن. كەزدەسۋگە كاسىپكەرلەردى، جاستاردى، قوعام بەلسەندىلەرىن، جالپى ايتارى بار تۇرعىنداردى دا قوسىپ وتىرمىز. سويلەسەيىك، ءبىر-ءبىرىمىزدى تىڭدايىق، ەلدىڭ ماسەلەسىن بىرلەسە شەشەيىك دەگەن ويمەن. ەركىن پىكىر الماسىپ، سۇراقتارىڭىزعا جاۋاپ بەرۋگە دايىن­مىن»، دەدى وبلىس اكىمى كەزدەسۋدە. سونداي-اق سايرامدىقتاردىڭ يگى ىستەرى جوعارى باعالاندى. تۇر­عىندارى تىعىز ورنالاسقان اۋداندا اركىم ءوز تىرلىگىمەن اينالىسۋدا. «پاراسات» پىكىرتالاس كلۋبى اۋدانداعى ماسەلەلەردىڭ وڭ شەشىمىن تابۋىنا ىقپال ەتۋدە. «كلۋبتىڭ كوش­پەلى وتىرىستارى ءار اۋىلدا ءوتىپ، كەلەلى ماسەلەلەر تالقىلانادى. ءبىرازى سول مەزەتتە شەشىلىپ جاتادى. ەڭ باستىسى، بيلىك پەن حالىق اراسىنداعى ديالوگ الاڭى بار. سايرام اۋدانىنىڭ تاجىريبەسىن بارلىق اۋدان، قالادا قولدانۋىمىز كەرەك. كاسىپكەرلىكتى دامىتۋدا دا ۇلگى تۇتار ىستەر مول. جوعارىدا ايت­قانىمداي، بىزدە حالىق پەن بيلىك اراسىندا بايلانىس جاقسى. بىراق ءالى دە تەرەڭدەتە ءتۇسۋىمىز كەرەك. ءار اكىم ءوزى باسقاراتىن اۋماقتىڭ پروب­لەماسىن، جاي-كۇيىن جاقسى بىلەتىن بولسا، ءوز جۇمىسىن دۇرىس اتقارسا، تۇرعىندارمەن اشىق ديالوگ ورناتا الادى. مەملەكەت باسشىسى قاسىم-جومارت توقاەۆ ۇكىمەتكە، اكىمدىكتەرگە ەلدىڭ الەۋەتىن كوتەرۋگە باعىتتالعان تاپسىرمالار بەردى. قىم­باتشىلىقتى توقتاتىپ، باعانى تۇراقتاندىرۋ، جۇمىسسىزدىقپەن كۇرەس، قوعاممەن بايلانىستى نىعايتۋ جانە وزگە دە سالالاردا جاقسى بە­ت­بۇرىستار بولادى جانە وسى باعىتتا جۇمىستى كۇشەيتەمىز. سىزدەردىڭ ۇسىنىستارىڭىز بەن پىكىرلەرىڭىز نا­زارعا الىنادى»، دەدى ءو.شوكەەۆ.

كەزدەسۋدە زيالى قاۋىم، جاستار، جەرگىلىكتى تۇرعىندار قو­عامداعى ءتۇر­لى ماسەلەنى كوتەرىپ، ۇسى­نىستارىن جەتكىزدى. وبلىستىق ارداگەرلەر كەڭە­سىنىڭ توراعاسى جەڭىسبەك ماۋلەن­قۇلوۆ پەن ەل اعالارى دا كەلەلى ويلارىن ورتاعا سالدى. ەلدىڭ بىرلىگىنەن اسقان قۇندىلىق جوق ەكەنىن ايتىپ، پرەزيدەنتتىڭ باستامالارىن قول­دايتىندارىن جەتكىزدى.

 

تۇركىستان وبلىسى

سوڭعى جاڭالىقتار

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

دارىگەر-جازۋشىلار

ادەبيەت • بۇگىن، 08:34

زاڭسىز سالىنعان ءۇي ءسۇرىلدى

ايماقتار • بۇگىن، 08:30

جالعان شوت-فاكتۋرا جارعا جىقتى...

ايماقتار • بۇگىن، 08:27

قىمبات وپەراتسيانى تەگىن جاسادى

مەديتسينا • بۇگىن، 08:22

5 ادام سۋعا كەتتى

قوعام • بۇگىن، 08:20

جاستارعا ارنالعان جارمەڭكە

قوعام • بۇگىن، 08:18

جاستار جۇمىسپەن قامتىلدى

قوعام • بۇگىن، 08:15

سالعىرتتىق سان سوقتىرماسا ەكەن

ايماقتار • بۇگىن، 08:12

كيىكتەر كىمگە كەدەرگى؟

قازاقستان • كەشە

ەكى اۋىلعا گاز جەتتى

ايماقتار • كەشە

ينفلياتسيا يىلە مە؟

قوعام • كەشە

ءدارى مەن ءسوز ءدارۋى

مەديتسينا • كەشە

«التايداي جەر قايدا؟!»

ايماقتار • كەشە

ۇقساس جاڭالىقتار