«بولاشاق» حالىقارالىق ستيپەندياسىنىڭ ۇمىتكەرلەرىنە ءتىلدى ءبىلۋدىڭ شەكتىك دەڭگەيى كوتەرىلدى. بۇل تۋرالى اقوردانىڭ ءباسپاسوز قىزمەتى حابارلادى.
«2014 جىلدان باستاپ ماگيستراتۋرادا وقۋ جانە تاعىلىمدامادان ءوتۋ ءۇشىن شەت ءتىلىن ءبىلۋدىڭ قاجەتتى باستاپقى دەڭگەيى IELTS 9,0 باللدان – 3,0-دەن 4,0. باللعا دەيىن, ال رەزيدەنتۋرادا, دوكتورانتۋرادا وقۋعا – 5,0 باللعا دەيىن ۇلعايتىلدى», - دەلىنگەن حابارلامادا.
سونداي-اق, مەملەكەتتىك ءتىلدى ءبىلۋ جونىندەگى بارلىق ساناتتاعى ۇمىتكەرلەرگە ەڭ تومەنگى تالاپتار ارتتىرىلدى. قازتەست جۇيەسى بويىنشا ەڭ تومەنگى دەڭگەي – 150 باللدان 85-كە دەيىنگى باللدى قۇرادى.
وقۋ جانە تىلدىك كۋرستاردان ءوتۋ ءۇشىن ۇسىنىلاتىن شەتەلدىك جەتەكشى جوعارى وقۋ ورىندارىنىڭ, شەتەلدىك ۇيىمداردىڭ ءتىزىمى قايتا قارالدى. 2014 جىلى ءتىزىم 17 ۋنيۆەرسيتەتپەن تولىقتىرىلىپ, 8-ءى الىنىپ تاستالدى.
شەتەلدە تاعىلىمدامادان ءوتۋ ورنىنا قويىلاتىن تالاپتاردىڭ ولشەمى بەكىتىلدى. اتاپ ايتقاندا, تاعىلىمدامالار تەك قانا جەتەكشى شەتەلدىك جوعارى ورىندارى مەن ولاردىڭ جانىنداعى مەديتسينالىق مەكەمەلەردىڭ بازاسىندا, سونداي-اق الەمگە تانىمال وڭىرلىك عىلىمي-زەرتتەۋ ورتالىقتارىندا, كومپانيالار مەن سالالىق ۇيىمداردا جۇزەگە اسىرىلاتىن بولادى.
بۇعان قوسا, ستيپەنديادان ايىرۋعا جانە كوميسسياعا كەلىپ تۇسكەن وتىنىشتەردى قاراۋعا بايلانىستى ماسەلەلەر قارالدى.
مۇرات ايتقوجا.
دەرەككوز: اقوردا سايتى.
