الماتى دوستاستىقتىڭ 2014 جىلعى مادەني استاناسى اتاندى

تمد ەلدەرى گۋمانيتارلىق ىنتىماقتاستىق مەملەكەتارالىق قورىنىڭ قولداۋىمەن الماتى قالاسى دوستاستىقتىڭ 2014 جىلعى مادەني استاناسى بولىپ جاريالاندى. بۇل تۋرالى  Zakon.kz  حابارلادى. قوردىڭ ءباسپاسوز قىزمەتىنىڭ حابارلاۋىنشا, وسىعان ارنالعان «الماتى – دوستاستىقتىڭ 2014 جىلعى مادەني استاناسى» اتتى سالتاناتتى ءراسىم 19 ناۋرىز كۇنى اباي اتىنداعى مەملەكەتتىك اكادەميالىق وپەرا جانە بالەت تەاترىندا وتەدى. بۇعان دوستاستىق ەلدەرىنىع دەلەگاتسيالارى, گۋمانيتارلىق ىنتىماقتاستىق مەملەكەتارالىق قورىنىڭ وكىلدەرى, تمد اتقارۋ كوميتەتىنىڭ مۇشەلەرى, مادەنيەت جانە ونەر قايراتكەرلەرى كەلەدى. باعدارلاما اباي اتىنداعى قازاق مەملەكەتتىك اكادەميالىق وپەرا جانە بالەت تەاترى سيمفونيالىق وركەسترىنىڭ سۇيەمەلدەۋىمەن ونەر كورسەتەتىن تمد ەلدەرى وپەرا سوليستەرىنىڭ گالا-كونتسەرتىمەن اشىلادى. دوستاستىق ەلدەرىنىڭ 2014 جىلعى مادەني استانالارى بولىپ الماتى (قازاقستان رەسپۋبليكاسى) جانە وش (قىرعىز رەسپۋبليكاسى) جاريالاندى. مۇرات ايتقوجا. دەرەككوز: Zakon.kz. فوتو: Zakon.kz.