چەمپيونات باستالدى. ءبىرىنشى ماتچتا «توبىل» «سپارتاكتى» جەڭدى

بۇگىن, 15 ناۋرىز كۇنى فۋتبولدان قازاقستان پرەمەر-ليگاسى كوماندالارى اراسىنداعى چەمپيونات باستالدى. قازىر بىرىنشىلىكتىڭ ءبىرىنشى ويىنىنىڭ ناتيجەسى بەلگىلى بولدى. قوستانايدىڭ «توبىلى» ءوز الاڭىندا سەمەيدىڭ «سپارتاگىن» قابىلداپ, 2:1 ەتىپ ۇتتى. بۇل تۋرالى Egemen.kz حابارلادى. ماتچ زاتوبولسك قالاسىنداعى ستاديوندا ءوتتى. قارسىلاستار ويىننىڭ ءبىرىنشى تايمىندا ەسەپ اشا المادى. ال ەكىنشى تايمدا بۇعان قوناقتار ءبىرىنشى بولىپ قول جەتكىزدى. ءسويتىپ, 67-مينۋتتا گول سوققان سەمەيلىك ماكسيم ازوۆسكي بيىلعى چەمپيوناتتىڭ دا العاشقى دوبىنىڭ دا اۆتورى اتاندى. «توبىل» تارازى باسىن 76-مينۋتتا تەڭەستىردى. ونى اناتولي بوگدانوۆ جاسادى. ارادا 4 مينۋت وتكەندە, وگنەن كراسيچ الاڭ يەلەرىن العا شىعاردى. ول كوماندالاسى توماش شيمكەۆيچتىڭ پاسىن ادەمى پايدالاندى. وسى ەسەپ ويىننىڭ سوڭىنا دەيىن ساقتالدى. بۇگى سونداي-اق «ەرتىس» (پاۆلودار) – «شاحتەر» (قاراعاندى), «تاراز» (تاراز) - «اقتوبە» (اقتوبە), «قايسار» (قىزىلوردا) - «ورداباسى» (شىمكەنت), «استانا» (استانا) – «جەتىسۋ» (تالدىقورعان), «قايرات» (الماتى) – «اتىراۋ» (اتىراۋ) ءوزارا كەزدەسەدى. دامير قوجامقۇل. دەرەككوز: Egemen.kz. فوتو: Vesti.kz.