پرەزيدەنت ۇلىبريتانيا پرەمەر-ءمينيسترى دەۆيد كەمەرونمەن تەلەفون ارقىلى سويلەستى

مەملەكەت باسشىسى نۇرسۇلتان نازارباەۆ ۇلىبريتانيا پرەمەر-ءمينيسترى دەۆيد كەمەرونمەن تەلەفون ارقىلى سويلەستى. بۇل تۋرالى اقوردا. kz حابارلادى. بريتان تاراپىنىڭ باستاماسىمەن وتكەن تەلەفون ارقىلى سويلەسۋ بارىسىندا قازاقستان- ۇلىبريتانيا قارىم-قاتىناستارىنىڭ جاي-كۇيى مەن پەرسپەكتيۆالارى, سونىڭ ىشىندە د.كەمەروننىڭ 2013 جىلعى شىلدە ايىندا قازاقستانعا مەملەكەتتىك ساپارى اياسىندا قول جەتكىزىلگەن كەلىسىمدەردىڭ ىسكە اسىرىلۋ بارىسى تالقىلاندى. اڭگىمەلەسۋ كەزىندە حالىقارالىق ساياسات ماسەلەلەرى, سونىمەن بىرگە الداعى 24-25 ناۋرىزدا گااگادا وتەتىن يادرولىق قاۋىپسىزدىك جونىندەگى جاھاندىق سامميتكە دايىندىق جونىندە دە پىكىر الماسىلدى. ۋكرايناداعى ىشكى ساياسي جاعدايدىڭ ورىستەۋىنە باسا نازار اۋدارىلدى. ەكى ەلدىڭ كوشباسشىلارى ۋكراينا داعدارىسىن ديپلوماتيالىق كەلىسسوزدەر جولىمەن جانە حالىقارالىق بىتىمگەرشىلىكتىڭ ىقتيمال تەتىكتەرىن پايدالانا وتىرىپ بەيبىت رەتتەۋ قاجەتتىگىن قۋاتتادى. سونداي-اق, تاراپتار قالىپتاسىپ وتىرعان جاعدايدىڭ شەشىمىن تابۋ ۋكراينادا حالىقارالىق قۇقىقتىق بارلىق بازالىق نورمالارىن قالپىنا كەلتىرۋ ارقىلى بەيبىت جولمەن جۇزەگە اسىرىلۋعا ءتيىس ەكەنىن اتاپ ءوتتى. ءامىرحان الماعانبەتوۆ. دەرەككوز: اقوردا. kz. فوتو: اقوردا. kz.