• 15 ناۋرىز, 2014

كۇن تارتىبىندە – راتيفيكاتسيالاناتىن زاڭ جوبالارى

240 رەت

كورسەتىلدى

1 مين

وقۋ ءۇشىن

Egemen Qazaqstan

پالاتا توراعاسى نۇرلان نىعماتۋليننىڭ توراعالىعىمەن وتكەن ءماجىلىس بيۋروسىندا جالپى وتىرىستا قارالاتىن ماسەلەلەر بەلگىلەندى, دەپ حابارلادى وسى پالاتانىڭ ءباسپاسوز قىزمەتى. دەپۋتاتتاردىڭ قاراۋىنا ءبىرىنشى وقىلىمعا قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل ءماسەلەلەرى بويىنشا زاڭناماعا ەنگىزىلەتىن جاڭالىقتار شىعارىلادى. ال پالاتاعا ەكىنشى وقىلىمعا اكىمشىلىك قۇقىق بۇزۋشىلىق تۋرالى كودەكسكە ءوزگەرىستەر ەنگىزۋ ۇسىنىلىپ وتىر. جالپى وتىرىسقا راتيفي-كاتسيالاناتىن بىرقاتار زاڭ جوبالارى ۇسىنىلدى. ولار: 1928 جىلعى 22 قاراشاداعى حالىقارالىق كورمەلەر تۋرالى كونۆەنتسيا; 2008 جىلعى 12 جەلتوقسانداعى تاريفتىك كۆوتالاردى قولدانۋدىڭ شارتتارى مەن تەتىگى تۋرالى كەلىسىم; 1999 جىلعى 3 جەلتوقساندا پەكيندە قابىلدانعان وزون ءجونىندەگى مونرەال حاتتاماسى; قازاقستان مەن قىتاي اراسىنداعى قورعاس وزەنىندە «دوستىق» سۋ تورابىن سالۋ تۋرالى كەلىسىم. «جول ءجۇرىسى تۋرالى» زاڭ جوباسىنا سەناتتىڭ تۇزەتۋلەرى دە كۇن ءتارتىبىنىڭ جوباسىنا قوسىلىپ وتىر.