دايىندىق ۇلتتىق اۋقىمداعى سيپاتقا يە

بۇدان بۇرىن حابار­­لا­عا­نى­مىزداي, حالىق­ارالىق كور­مە­لەر بيۋ­روسىنىڭ باس حاتشىسى ۆيسەنتە گونسالەس لوس­سەرتالەس استاناعا جۇمىس ساپارىمەن كەلگەن بولاتىن. كەشە ورتالىق كوم­مۋنيكا­تسيالار قىز­مەتىندە باس حاتشى بريفينگ وتكىزدى. وعان سونىمەن بىرگە, ەكسپو-2017 حالىقارالىق مامانداندىرىلعان كورمەسىنىڭ كوميسسارى, سىرتقى ىستەر مي­نيس­ترىنىڭ ءبىرىنشى ورىنباسارى ءراپىل جوشىباەۆ جانە «استانا ەكسپو-2017» ۇك» اق باسقارما ءتور­اعا­سى تالعات ەرمەگياەۆ قا­تىستى. بريفينگتى كىرىسپە سوزبەن اشقان ءراپىل جوشىباەۆ حالىقارالىق كورمەلەر بيۋروسىنىڭ (حكب) باس حاتشىسىنا وسى ۋاقىتقا دەيىن استانادا حالىقارالىق كور­مەنى وتكىزۋگە دايىندىق بارىسىندا كور­سەتكەن كومەگى ءۇشىن ال­عىس ايتتى. سونىمەن بىرگە, ول بيىل­عى جىلعى ماۋسىم ايىندا وتە­تىن حكب باس اسسامبلەياسىنىڭ 155-سەس­سياسىندا قازاقستانعا ەكسپو كور­مەسىن وتكىزۋگە قۇقىق بە­رەتىن حا­لىق­ارالىق كورمەلەر بيۋرو­سىنىڭ تۋى تاپسىرىلاتىنىن, سو­دان كەيىن ەلىمىز كورمەگە قاتى­ساتىن ەلدەردى شاقىرۋمەن تىكەلەي اينالىساتىندىعىن اتاپ كورسەتتى. ءوز كەزەگىندە ءسوز العان حكب باس حاتشىسى ۆيسەنتە لوسسەرتالەس قازاقستانعا كەلگەن جۇمىس ساپارى بارىسىندا پرەمەر-مينيستر سەرىك احمەتوۆپەن, قورشاعان ورتا جانە سۋ رەسۋرستارى ءمينيسترى نۇرلان قاپپاروۆپەن, استانا قالاسىنىڭ اكىمى يمانعالي تاس­ما­عامبەتوۆپەن, حالىقارالىق ما­مانداندىرىلعان كورمەنىڭ كوميسسارى ءراپىل جوشىباەۆپەن, «استانا ەكسپو-2017» ۇك» اق باسقارما توراعاسى تالعات ەر­مەگياەۆپەن ناتيجەلى كەزدەسۋلەر وتكىزگەنىن اتاپ كورسەتتى. ودان ءارى ول «استانا ەكسپو-2017» شىن ءما­نىندە قازاقستاننىڭ ۇلتتىق جوباسىنا اينالعاندىعىن ايتتى. بۇكىلالەمدىك مامانداندىرىلعان كورمەگە دايىندىق بارىسىندا استانادا جۇزەگە اسىرۋعا بەل­­گىلەنگەن شارالار ۇلتتىق اۋقىم­دا سيپات الۋدا. بۇل كور­مەنىڭ پوستكەڭەستىك كەڭىستىكتە وتكىزىلگەلى وتىرعان حالىقارالىق اۋ­قىمداعى وسىنداي ءبىرىنشى كور­مە ەكەندىگىن اتاپ كورسەتىپ, وسى­عان سايكەس ءجۇ­زە­گە اسىرىلاتىن ءبىر­قاتار تەحني­كالىق سيپاتتاعى ءما­سەلەلەردى تىلگە تيەك ەتتى. ەكسپو – بەلگىلەنگەن ءۇش اي مەرزىمدە وتكىزىلىپ, سونىمەن وعان قاتىستى ماسەلەلەردىڭ بارلىعى بىتە سالاتىن شارا ەمەس. بۇل ەلدىڭ ەرتەڭگى دامۋىنا تۇبەگەيلى اسەر ەتەتىن ماڭىزدى ماسەلە. ەكىنشى ءبىر اتاپ كورسەتەتىن جاي, ەكسپو-نىڭ بارلىق ەلەمەنتتەرى بەل­گى­لەنگەن شەبەرلىك جوسپاردا جانە ارحي­تەكتۋرالىق شەشىمدەردە كورى­نىس تابۋى كەرەك. ولاردىڭ ۇيلە­سىمدىلىگى وتە كۇردەلى ماسەلە. وسى­عان بايلانىستى اتقارىلاتىن ىستەر دە اۋقىمدى. كورمە قالاشىعىنىڭ تۇ­عىرى بولىپ سانالاتىن قازاق­ستان­دىق پاۆيلون, بۇل تەك قانا «بو­لاشاقتىڭ ەنەرگياسى» كورى­نىس تا­باتىن تاقىرىپتىق پاۆيلون عانا ەمەس, سونىمەن بىرگە ول قا­زاقستاننىڭ تاريحىن, مادە­نيەتىن جانە ۇلتتىق سالت-ءداستۇر­لەرىن پاش ەتەتىن ورتالىق. ەندە­شە قازاقستان پاۆيلونىنىڭ قۇ­رى­لىسى, ارحيتەكتۋرالىق شەشى­مى وسىنداي اۋقىمدى دا جوعا­رى تالاپتارعا ساي بولۋى ءتيىس. باس حاتشى ءوز سوزىندە ەكسپو كور­مەسىن وتكىزۋگە دايىندىق بارى­سىندا استانا قالاسىندا ءجۇ­زەگە اسىرىلىپ جاتقان ينجە­نەر­لىك-كوممۋنيكاتسيالىق ين­فرا­قۇرىلىمدىق شەشىمدەرگە ءدان ريزا ەكەندىگىن اتاپ كورسەتتى. سو­نىمەن بىرگە, حكب باس حاتشىسى ەكسپو-2017 حالىقارالىق ما­مان­داندىرىلعان كورمەسىن وتكى­زۋگە دايىندىق بارىسىنداعى كە­زەڭ جانە ونى ويداعىداي وتكى­زۋ قازاقستان ءۇشىن ينۆەستيتسيا تارتۋدىڭ مول مۇمكىندىگى ەكەن­دىگىن تىلگە تيەك ەتتى. «مەن ەكسپو-2017 كورمەسىنىڭ قازاق­ستان رەسپۋبليكاسى ءۇشىن بولا­شاق دامۋدىڭ كاتاليزاتورى بولا­تىندىعىنا سەنىمدىمىن», دەدى ءوز سوزىندە ۆيسەنتە لوسسەرتالەس. «استانا ەكسپو-2017» ۇك» اق-تىڭ باسقارما توراعاسى تالعات ەرمەگياەۆ ءوز سوزىندە قا­زاق­ستان پاۆيلونىن سالۋ, كور­مە قالاشىعىنداعى ەتنواۋىل قۇ­رىلىسى ماسەلەلەرىن تىلگە تيەك ەتتى. ەكسپو-2017 كورمە قالا­شى­عىنا بولىنگەن 174 گەكتار اۋماق­تا مامىر ايىنان باستاپ قۇرى­لىس جۇمىستارى جۇرگىزىلە باس­تايدى. توراعانىڭ ايتۋى بويىنشا, ۇكىمەت ينجەنەرلىك-كوممۋنيكاتسيالىق جۇيەلەردى جانە قازاقستان پاۆيلونىن سالۋعا عانا قارجى جۇمساۋى كەرەك. ال كورمە قالاشىعىنداعى قوناق ۇيلەر, ساۋدا ورتالىقتارى جانە باسقا نىسانداردى سالۋعا ينۆەستيتسيالار مەن جەكە ينۆەس­تورلار تارتىلۋى كەرەك. سونىمەن بىرگە, «استانا ەكسپو-2017» ۇك» اق باسقارما توراعاسى تالعات ەرمەگياەۆ جۋرناليستەر تاراپىنان قويىلعان سۇراقتارعا جاۋاپ بەرە كەلىپ, كورمە قالاشىعىنىڭ قۇرىلىسىن سالۋعا ءبىر عانا باس مەردىگەر ۇيىم ازدىق ەتەتىنىن اتاپ كورسەتتى. كورمە قالاشىعىنداعى 1 ميلليون 300 مىڭ شارشى مەتر قۇرىلىس كولەمىن يگەرۋگە ءبىر باس مەردىگەردىڭ شاماسى جەتپەيدى. سوندىقتان كورمە قالاشىعىنىڭ قۇرىلىس الاڭىندا كەمىندە 3-4 باس مەردىگەر ۇيىم بولماق. ەكسپو-2017 حالىقارالىق مامانداندىرىلعان كورمەسىنىڭ كوميسسارى ءراپىل جوشىباەۆ «ماۋسىم ايىندا كورمە تۋىن العاننان كەيىن ەلىمىز كورمەگە قاتىساتىن ەلدەردى شاقىرا باستايدى. ءبىرىنشى كەزەكتە, حكب-عا مۇشە مەملەكەتتەرگە شاقىرۋ جىبەرىلەدى. سونىمەن بىرگە, حكب-عا مۇشە ەمەس اقش, ءۇندىستان سياقتى مەملەكەتتەر دە بار. ولار كورمەگە قاتىسۋعا نيەت بىلدىرۋدە. سوندىقتان ءبىز ولارعا دا شاقىرۋ جولدايتىن بولامىز», دەدى. سونداي-اق, ءراپىل جوشىباەۆ قازاقستاندا تاياۋ بولاشاقتا دامىعان 50 مەملەكەت­پەن ۆيزاسىز رەجىم ءتارتىبىن ەنگىزۋگە دايىندىق جاسالىپ جاتقاندىعىن ايتتى. بريفينگ بارىسىندا وعان قاتىسۋشىلار جۋرناليستەر تارا­پىنان قويىلعان كوپتەگەن سۇ­راقتارعا جاۋاپ بەردى. جىلقىباي جاعىپار ۇلى, «ەگەمەن قازاقستان».