اقتاۋدا ەكس-دەپۋتات 6 جىلعا سوتتالدى

ماڭعىستاۋ وبلىسىنداعى اقتاۋ قالالىق ءماسليحاتىنىڭ ەكس-دەپۋتاتى قايىرجان ارگەنوۆكە قاتىستى سوت ۇكىمى شىقتى. بۇل تۋرالى «استانا» تەلەارناسى حابارلادى. ق. ارگەنوۆ جەرگىلىكتى كاسىپكەرلەردىڭ بىرىنە جەر تەلىمىن ءبولىپ بەرۋ ءۇشىن ودان 4 ملن. تەڭگە تالاپ ەتكەن. كەلىسىلگەن اقشانى ەكس-دەپۋتات الۋ ساتىندە قۇقىق قورعاۋ قىزمەتكەرلەرىنىڭ قولىنا تۇسەدى. وسىعان وراي, قارجى پوليتسياسى «الاياقتىق» فاكتىسى بويىنشا قىلمىستىق ءىس قوزعاپ, ونى سوتتىڭ قاراۋىنا بەرگەن بولاتىن. «قايىرجان ارگەنوۆتى كىنالى دەپ ساناپ, قازاقستان رەسپۋبليكاسى قىلمىستىق كودەكسىنىڭ 177-بابىنىڭ 4-تارماعى بويىنشا 6 جىل باس بوستاندىعىنان ايىرۋ جازاسى بەرىلسىن. بار مۇلكى تاركىلەنىپ, جالپى رەجيمدەگى تۇزەتۋ كولونياسىنا جەتكىزىلسىن»,-دەدى ۇكىمدى وقىعان اقتاۋ قالالىق سوتىنىڭ سۋدياسى مارەت كوۆراەۆا. ايىپكەردىڭ قورعاۋشىسى مۇستاقيم تۇلەەۆ بولسا, بۇل ۇكىممەن كەلىسپەي وتىر. ناقتى ايتقاندا, ول كاسساتسيالىق جانە اپەللياتسيالىق سوتقا شاعىمدانباق. ءامىرحان الماعانبەتوۆ. دەرەككوز: «استانا» تەلەارناسى. فوتو: Piter-piter.ru.