تاراز قالاسىنىڭ تۇرعىنى اقجان ومىراليەۆا – بەس بالانىڭ اناسى. كوپبالالى انا بالالارىن جالعىز ءوزى تاربيەلەپ كەلەدى. بالالاردىڭ ۇلكەنى 15 جاستا بولسا, كەنجەسى ءبىر جاستا عانا. ال «التىن القا» يەگەرى جاينا توقسەيىتوۆا دا جالعىز ءوزى جەتى بالانى تاربيەلەپ وتىر. الايدا قازىرگى كەزدە باسپانا تاۋقىمەتىن تارتىپ, بالالارىمەن جالدامالى ۇيدە تۇرىپ جاتىر ەكەن. تۇرعىننىڭ تىلەگىن ەسكەرگەن وبلىس اكىمى بەردىبەك ساپارباەۆ تاراز قالاسىنىڭ اكىمى ەرجان جىلقىباەۆقا وڭىردە جۇزەگە اسىرىلىپ جاتقان «اسارلاتىپ ءۇي سالۋ» جوباسى اياسىندا كوپبالالى وتباسىنىڭ باسپانالى بولۋىنا كومەكتەسۋدى تاپسىردى. كوپتىڭ كومەگىمەن جاينا توقسەيىتوۆا جاقىندا باسپانالى بولادى. التى بالانىڭ اناسى گۇلجازيرا تاسقىنبەكوۆا دا الەۋمەتتىك از قامتىلعان وتباسىلار قاتارىنان. وسى جانە وزگە دە وتباسىلارعا اكىمدىك تاراپىنان قولداۋ كورسەتىلدى.
كوپبالالى انالاردىڭ شاڭىراعىندا بولعان ب.ساپارباەۆ انا مەن بالانى قولداۋ, وتباسى قۇندىلىقتارىن نىعايتۋ جانە دامىتۋ – مەملەكەتتىڭ الەۋمەتتىك ساياساتىنىڭ نەگىزگى باعىتتارىنىڭ ءبىرى ەكەنىن, اكىمدىك وڭىردەگى از قامتىلعان جانە كوپبالالى وتباسىلارعا ارى قاراي دا كومەك كورسەتە بەرەتىنىن جەتكىزدى.
جامبىل وبلىسى
