قوعامداستىق قىزمەتىنە قاتىستى قابىلداۋ

مەملەكەت باسشىسى نۇرسۇلتان نازارباەۆ ەۋرازيالىق ەكونوميكالىق قوعامداستىقتىڭ باس حاتشىسى تايىر مانسۇروۆتى قابىلدادى, دەپ حابارلادى پرەزيدەنتتىڭەۋرازيالىق  قىزمەتى. كەزدەسۋ بارىسىندا ۇيىمنىڭ قازىرگى قىزمەتىنىڭ ماسەلەلەرى, الداعى كەزەڭگە ارنالعان جوس­پارلار, سونداي-اق, ەۋرازيا كەڭىس­تىگىندەگى ينتەگراتسيالىق ۇدە­رىس­تەردىڭ ىسكە اسىرىلۋ جايى تالقى­لاندى. نۇرسۇلتان نازارباەۆ مەم­لە­كەتتەردىڭ ينتەگراتسيالىق قۇ­رى­لىمدار اياسىنداعى كوپتاراپتى ءوزارا ىقپالداستىعىنىڭ نەگىزىن قامتاماسىز ەتۋ باعىتىندا ات­قا­رىلىپ جاتقان جۇمىستاردىڭ ماڭىز­دىلىعىن اتاپ ءوتتى. سون­داي-اق, قازاقستان پرەزيدەنتى ەل­دەردىڭ تەحنولوگيالار مەن بيز­نەس سالاسىنداعى ءتيىمدى ىنتى­ماق­تاس­تىعىنا سەپتىگىن تيگىزەتىن ينتە­گراتسيالىق ينستيتۋتتار قىزمەتىنىڭ جەمىستى ناتيجەلەرىنە نازار اۋداردى. ت.مانسۇروۆ ۇيىمنىڭ الدىنا قويىلعان مىندەتتەردىڭ ىسكە اسىرىلۋى جانە ەۋرازەق-قا مۇشە مەم­لەكەتتەر حالىقتارىنىڭ ءمۇد­دەلەرى ءۇشىن ەكونوميكالىق ين­تە­گراتسياعا قول جەتكىزۋگە باعىتتالعان جۇ­مىس­تار تۋرالى ايتتى. باس حاتشى مەملەكەت باس­شى­سىنىڭ بۇدان 20 جىل بۇرىن م.لومونوسوۆ اتىنداعى ماسكەۋ مەم­لەكەتتىك ۋنيۆەرسيتەتىندە مەملەكەتتەردىڭ ەۋرا­زيالىق وداعىن قالىپتاستىرۋ تۋ­رالى العاش ۇسىنعان باستاما­سى پوستكەڭەستىك كەڭىستىكتەگى ەكو­نو­ميكالىق ينتەگراتسياعا نەگىز قالاعانىن اتاپ كورسەتتى. ----------------------------------------- سۋرەتتى تۇسىرگەندەر س.بوندارەنكو, ب.وتارباەۆ.