ايماقتار • 29 جەلتوقسان، 2021

«ەركىن كۇشكە» گاز كەلىپ، «ەسەت باتىردا» امبۋلاتوريا اشىلدى

54 رەت كورسەتىلدى

العا اۋدانى تامدى اۋىلدىق وكرۋگىنە قاراستى «ەركىن كۇش» اۋىلىنا گاز قۇبىرى تارتىلدى. بۇل اقتوبە وبلىسى بويىنشا بيىلدىققا كوگىلدىر وتىن جەتكىزىلگەن ون بەسىنشى اۋىل. بيىلعى جىلدىڭ باسىنان بەرى 8 مىڭعا جۋىق تۇرعىنى بار 14 ەلدى مەكەنگە گاز قۇبىرى جەتكىزىلىپ، اۋىل تۇرعىندارىنىڭ بەينەتى ازايعانىن ايتا كەتكەن ءجون. وسىلايشا، اقتوبە وبلىسى تۇرعىندارىنىڭ 92،5%-ى كوگىلدىر وتىنمەن قامتىلىپ، گازداندىرۋ كورسەتكىشى بويىنشا ءوڭىر ەلىمىزدە بەسىنشى ورىنعا كوتەرىلدى. ال Nur Otan پارتياسىنىڭ جول كارتاسىندا 2025 جىلعا دەيىن وبلىستىڭ 104 ەلدى مەكەنىن گازبەن قامتۋ جوسپارلانعان.

«باس مەردىگەر «تەپلوەنەر­گوستروي» جشس تامدىدان «ەر­كىن كۇشكە» قاراي قۇبىر تار­تىپ، جۇمىستى ەكى اي شاما­سىندا اياقتادى. بۇل جوباعا وبلىس­تىق بيۋدجەتتەن 50 ملن تەڭگە جۇم­سال­دى. بۇگىندە العا اۋدانى تۇر­عىن­دارىنىڭ 98،3 %-ى كو­گىل­دىر وتىن­عا قول جەتكىزدى. گاز قۇ­بىرى وت­كى­زىلگەننەن كەيىن «ەركىن كۇشكە» كوشىپ كەلۋشىلەر كوبەيەتىن ءتۇرى بار. بۇل اۋىل اقتوبە قالاسىنان 50 شاقىرىم جەردە، «اقتوبە-اتى­راۋ» تاس­جولى­نىڭ بويىندا ورنا­لاسقان. 500 تۇرعىنى، باستاۋىش مەكتەبى بار. اۋىل ىشىندە 2 شاقىرىم تاراتۋشى جەلىلەرى جۇرگىزىلدى. كەلەسى جىلى كورشىلەس تالدىساي اۋىلىنا دا گاز كەلمەك. وعان وبلىستىق بيۋدجەتتەن 70 ملن ءبولىندى. سوندا العا اۋدانى بو­يىنشا كوگىلدىر وتىن جەتكىزىلمە­گەن جالعىز اۋىل – جەرۇيىق ەلدى مەكەنى عانا قالدى. ۇشقۇدىق اۋىلدىق وكرۋگىنىڭ جەر­ۇيىق اۋىلىندا 250 ادام تۇ­رادى. وسى اۋىلعا كوگىلدىر وتىن جەت­كىزۋدىڭ جوبالىق-سمەتالىق قۇجاتتارىن ازىرلەپ قويدىق»، دەيدى العا اۋدانىنىڭ اكىمى نۇربول ەرجانوۆ.

اقتوبە وبلىسىندا گازداندى­رۋ جوبالارى «اۋىل – ەل بەسىگى» جو­باسى بويىنشا قارجىلاندىرى­لۋ­دا. وبلىستىق ەنەرگەتيكا جانە تۇر­عىن ءۇي-كوممۋنالدىق شارۋا­شى­لىق باسقارماسىنىڭ باسشىسى ەرجان مۇز­دىباەۆتىڭ ايتۋىن­شا، «جەرۇيىق» جوباسى مەرزىمىندە اياقتالسا، وندا العا اۋدانى وبلىستاعى بارلىق ەلدى مەكەندەرى گازداندىرىلعان ەڭ ءبىرىنشى اۋدان بولادى. ودان كەيىنگى كەزەكتە حرومتاۋ اۋدانى تۇر. حرومتاۋ اۋدانىنىڭ قۇدىقساي ەلدى مەكەنىنە گاز قۇبىرىن جۇرگىزۋ الداعى ساۋىردە باستالماق.

«ەركىن كۇش» اۋىلىنداعى گاز قۇبىرىنىڭ بەرىلۋ راسىمىنە قا­تىسقان ءوڭىر باسشىسى وڭداسىن ورازالينگە العا اۋدانىنىڭ قۇر­­مەتتى ازاماتى، جاسى 80-نەن اس­قان اجە، التى بالانىڭ اناسى تالان ەسكەلدينا بىرنەشە كوشە­نىڭ جارىقتاندىرىلىپ، اۋىل­دىق وكرۋگ ورتالىعى تامدى ەلدى مەكە­نىنىڭ كوشەلەرىنە اسفالت توسەۋ جۇمىس­تارى قارقىندى جۇرگىزىلىپ جات­قا­نىنا ريزاشىلىعىن ءبىلدىر­دى. ء«بىزدىڭ اۋىلدىڭ ادامدارى ەڭ­بەك­قور. ءار ءۇيدىڭ اۋلاسىندا ءوز قۇدىعى بار، جۇرت مال باعىپ، ەگىن ەگىپ، باۋ-باقشا وسىرەدى. جاز بويى تراكتورى بار ادامدار ءشوپ شاۋىپ، جان-جاققا اپارىپ ساتادى. بۇل ءوزىن-ءوزى اسىراپ وتىرعان اۋىل»، دەيدى ول.

اۋىل تۇرعىنى البينا وڭعار ءوز وتباسىنىڭ كومىر مەن اعاش ساتىپ الۋعا جىل سايىن 200 مىڭ تەڭگە جۇمسايتىنىن، ەندىگى جەردە گازدىڭ تولەمى كومىر جاعۋعا قا­راعاندا ارزانعا تۇسەتىنىن ءارى وت جاعۋ مەن كۇل شىعارۋ بەينەتىنەن قۇتىلاتىنىنا ريزا.

وسى ساپارىمىزدا العا اۋدانى بەسقوسپا اۋىلدىق وكرۋگىنە قاراستى ەسەت باتىر اۋىلىنداعى مەديتسينالىق امبۋلاتوريانىڭ اشىلۋ راسىمىنە قاتىستىق. «اۋىل – ەل بەسىگى» باعدارلاماسى شەڭبەرىن­دە جەرگىلىكتى بيۋدجەتتەن 121 ملن ­تەڭ­گەگە قارجىلاندىرىلىپ، باس-اياعى 4 ايدىڭ ىشىندە سالىنعان مە­دي­تسينا مەكەمەسى. العا اۋداندىق اۋرۋ­حاناسىنىڭ باس دارىگەرى قانات مەدەۋباەۆ امبۋلاتورياعا ءبىر دا­رىگەر، ءتورت مەدبيكە شتاتى بەكى­تىل­گەنىن ايتتى. ەندىگى جەردە اۋىل جۇرتى كەز كەلگەن دارىگەرلىك كومەك ءۇشىن اۋدان ورتالىعىنا شاپ­قى­لا­مايدى. العاداعى اۋدان­دىق اۋرۋ­حانانىڭ ءتىس دارىگەرى اپتا­سىنا ءبىر رەت وسىندا كەلىپ جۇرت­قا قا­بىل­داۋ جۇرگىزەدى. قۇرى­لىس جۇر­گىزگەن مەردىگەر ەمدەۋ مەكەمەسىن  جي­ھاز­دارمەن، مەدي­تسي­نالىق قۇرال-جاب­دىق­تارمەن تولىق جابدىقتاعان. وسىلايشا، 2 مىڭ تۇرعىنى بار ەسەت باتىر اۋىلى تۇرعىندارى جاڭا جىل قارساڭىندا جاڭا مەديتسينا­لىق مەكەمەنىڭ جۇمىسىن باستاعا­نى­نا ريزا.

 

اقتوبە وبلىسى،

العا اۋدانى

سوڭعى جاڭالىقتار

دوللار ارزاندادى

ەكونوميكا • بۇگىن، 16:52

قوسشىدا جاڭا مەكتەپ اشىلادى

ءبىلىم • بۇگىن، 16:25

ۇقساس جاڭالىقتار