باۋىرجان باباجان ۇلى 1969 جىلى 21 اقپاندا قاراقالپاقستان رەسپۋبليكاسىنىڭ مويناق اۋدانىندا دۇنيەگە كەلگەن.
1995 جىلى ءال-فارابي اتىنداعى قازۇۋ فيلولوگيا فاكۋلتەتىن ءبىتىردى.
ەڭبەك جولىن 1995-1996 جىلدارى قر ۇعا م.و.اۋەزوۆ اتىنداعى ادەبيەت جانە ونەر ينستيتۋتىندا كىشى عىلىمي قىزمەتكەر بولىپ باستادى.
1996-1999 جىلدارى «جالىن» جۋرنالىندا, «انا ءتىلى» – «جالىن» بىرلەسكەن باسىلىمدارىندا ءبولىم مەڭگەرۋشىسى, 2000 جىلى «التىن وردا» تاۋەلسىز اپتالىعىندا باس رەداكتوردىڭ ورىنباسارى قىزمەتتەرىن اتقاردى. سونداي-اق 2000 جىلدان باستاپ اقتوبە وبلىستىق «اقتوبە» گازەتىنىڭ باس رەداكتورى لاۋازىمى بويىنشا جەمىستى ەڭبەك ەتىپ كەلدى.
ونىڭ ولەڭدەرى «تولقىننان تولقىن تۋادى», «جاس اقىندار انتولوگياسى» ۇجىمدىق جيناقتارىنا ەنگەن. ال «اسپان مەن جەردىڭ اراسى» اتتى تۇڭعىش جىر جيناعى 2001 جىلى «وتىرار كىتاپحاناسى» سەرياسىمەن جارىق كوردى. ودان كەيىن 2006 جىلى «جازۋشى» باسپاسىنان «ۋادە» اتتى كىتابى شىقتى.
2003 جىلى وتكەن حالىقارالىق «شابىت» شىعارماشىل جاستار فەستيۆالىنىڭ «ادەبيەت» نوميناتسياسى بويىنشا باس جۇلدە يەگەرى. سونىمەن قاتار, «قازاقستان رەسپۋبليكاسىنىڭ تاۋەلسىزدىگىنە 10 جىل», «استاناعا 10 جىل» مەرەكەلىك مەدالدارىمەن ماراپاتتالعان.
