«التىن توبىلعى» بايقاۋىندا جىل سايىن رەسپۋبليكا كولەمىنەن دارىندى ادەبيەتشىلەر انىقتالادى.
بۇل - شىعارماشىلىق جاستار اراسىندا سۇرانىسقا يە جوبانىڭ ءبىرى. جەڭىمپازدار اراسىندا «Egemen Qazaqstan» گازەتىنىڭ ءتىلشىسى دۇيسەنالى الىماقىن دا بار.
«قاتىسۋشىلار ەڭبەگىندە حالىقتىڭ قۇندىلىعىن, تاريحىن, مادەنيەتىن, ادامگەرشىلىك قاسيەتىن, تاۋەلسىزدىك كەزىندەگى قازاقستاندىقتاردىڭ جەتىستىگىن, ەگەمەن قازاقستاننىڭ دامۋىنداعى تۇڭعىش پرەزيدەنتتىڭ ءرولىن كورسەتتى.
بايقاۋعا قاتىسىپ, قىزىقتى دۇنيەلەر كورسەتكەنى ءۇشىن ءاربىر اۆتورعا العىس ايتامىز. سىزدەردىڭ ەڭبەگىڭىز زاماناۋي ادەبيەتتى وقۋعا, رۋحاني قۇندىلىقتاردى نىعايتۋعا دەگەن قىزىعۋشىلىقتىڭ ارتۋىنا ىقپال ەتەدى», دەپ اتاپ ءوتتى نۇرسۇلتان نازارباەۆ قورى اتقارۋشى ديرەكتورىنىڭ ورىنباسارى الكەي مارعۇلان ۇلى.
بايقاۋ جەڭىمپازدارى:
- «جىلدىڭ ۇزدىك پروزاسى» نوميناتسياسى ءجاميلا ابدۋللاەۆا («ۇيات, قىزىم!» رومانى);
- «جىلدىڭ ۇزدىك پوەزياسى» - دۇيسەنالى الىماقىن («كۇزگى كەشتە گۇل ەسىنەر»);
- «جىلدىڭ ۇزدىك دراماتۋرگياسى» - الىشەر ايتۋار («يلليۋزيا»);
- «جىلدىڭ بالالارعا ارنالعان ۇزدىك شىعارماسى» - جادىرا بايبۇلانوۆا («اشەكەي»);
- «قازاقستان تاۋەلسىزدىگىنىڭ 30 جىلدىعىنا ارنالعان ۇزدىك تۋىندى» - شاپاعات ءابدىر ۇلى.
«قازاقستان تاۋەلسىزدىگىنىڭ 30 جىلدىعىنا ارنالعان ۇزدىك تۋىندى» نوميناتسيا يەسى 3 ملن. تەڭگە, ال قالعان جەڭىمپازدارعا 2 ملن تەڭگە تابىس ەتىلدى.
