21 جاستاعى قازاقستاندىق بوكسشى تالعات شايكەن (6-0, 4 كو) جارتىلاي ورتا سالماقتاعى WBC تۇجىرىمى بويىنشا جاستار اراسىنداعى الەم چەمپيونىنىڭ «يەسىز» بەلبەۋى ءۇشىن ۋكراينالىق ۆلاديمير گورديەنكومەن (9-3, 4 كو) جۇدىرىقتاستى.
ون راۋندتىق جەكپە-جەك تورەشىلەردىڭ بىرىڭعاي شەشىمى بويىنشا قازاقستاندىقتىڭ جەڭىسىمەن اياقتالدى. وسىلايشا, تالعات شايكەن كاسىپقوي بوكس رينگىندە جەتىنشى جەڭىسىنە جەتىپ, WBC تۇجىرىمداماسى بويىنشا جاستار اراسنىداعى الەم چەمپيونى اتاندى, ال ۆلاديمير گورديەنكو وسىمەن ءتورتىنشى رەت جەڭىلىپ وتىر.
الماتىداعى بوكس كەشىنىڭ نەگىزگى جەكپە-جەگىندە تاعى ءبىر وتانداسىمىز قامشىبەك قوڭقاباەۆ (3-0, 3 كو) جانە ستيۆەن ۋوردپەن (13-1, 4 كو) WBA Gold بەلدىگىنە تالاسادى.
