«وتاندىق تاۋار وندىرۋشىلەردىڭ ءىرى جوبالارعا قاتىسۋ ۇلەسىنىڭ تومەندىگى – شەتەلدىك جانە وتاندىق وندىرۋشىلەر اراسىندا قالىپتاسقان ديسكريميناتسيالىق جاعدايلارعا بايلانىستى بولىپ وتىر. وسىلايشا, ءىرى وپەراتورلارعا بەرىلگەن كەدەندىك پرەفەرەنتسيالار ناتيجەسىندە ولار شەتەلدىك تاۋارلاردى قوسىلعان قۇن سالىعىن ناقتى تولەمەي ساتىپ الا الادى. ال وتاندىق وندىرۋشىلەردەن تاۋارلاردى ساتىپ الۋ كەزىندە 12% مولشەرىندە سالىق تولەنەدى. باسەكەگە قابىلەتتىلىك دەڭگەيىن ارتتىرۋ جولدارىنىڭ ءبىرى – سالىق كودەكسىنە وزگەرىستەر ەنگىزۋ. بۇل وزگەرىستەر ءىرى جوبالار ءۇشىن تاۋارلاردى جەتكىزۋ كەزىندە وتاندىق وندىرۋشىلەردىڭ ىشكى اينالىمىن قوسىلعان قۇن سالىعىنان بوساتۋدى قامتيدى», دەدى ۆەدومستۆو باسشىسى.
ايتۋىنشا, بۇل شارا شەتەلدىك جانە وتاندىق كومپانيالار اراسىنداعى جاعدايدى تەڭەستىرۋگە مۇمكىندىك بەرەدى.
«وسىعان وراي, ۇلتتىق ەكونوميكا مينيسترلىگىنە, قارجى مينيسترلىگىنە جانە «اتامەكەن» ۇلتتىق كاسىپكەرلەر پالاتاسىنا ەنەرگەتيكا مينيسترلىگىمەن بىرلەسىپ وسى ۇسىنىستى پىسىقتاۋدى تاپسىرۋىڭىزدى سۇرايمىن», دەدى ماعزۇم مىرزاعاليەۆ.
