قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ كاسىپكەرلەردى قولداۋ تۋرالى مالىمدەمەسى

قىمباتتى قازاقستاندىقتار! قۇر­مەتتى كاسىپكەرلەر! 27 اقپاندا مەن ەلىمىزدەگى كا­سىپ­كەرلىك قىزمەتتىڭ دامۋىنا قاجەتتى جاعدايلاردى جاقسارتۋ ءجو­نىندەگى تۇبەگەيلى شارالار تۋرالى جارلىققا قول قويدىم. مەن 2 ساۋىردەن باستاپ, 2015 جىلدىڭ 1 قاڭتارىنا دەيىن شاعىن جانە ورتا بيزنەس سۋبەكتىلەرىنە تەكسەرىس جۇرگىزۋگە موراتوري جاريالايمىن. مەن قازاقستاندىقتاردىڭ بيزنەس ءجۇر­گىزۋىنە قاجەتتى جاعدايدى ءارى قاراي جاقسارتا ءتۇسۋ ماقساتىندا ۇكىمەتكە بىرقاتار ناقتى شارالار قابىلداۋدى جۇكتەدىم. باقىلاۋ قىزمەتى سالاسىندا: بىرىنشىدەن, جوسپارلى تەكسەرىس ءتاجى­ري­بەسىنەن باس تارتامىز. مەملەكەتتىك ورگاندار مەنىڭ اكىم­شىلى­گىممەن كەلىسە وتىرىپ, وبەكتيۆتى, الەمدىك تا­لاپتارعا ساي تەكسەرىستەردى انىقتاۋ جۇيە­سىن ازىرلەيدى. بۇل جۇيە بويىنشا, 2015 جىلدىڭ 1 قاڭ­تا­رىنان باستاپ تەك شىنىمەن دە زاڭدى بۇزۋ ىقتيمالدىعى جوعارى كاسىپكەرلەر تەكسە­رىلەتىن بولادى. ەگەر كاسىپكەر زاڭنىڭ بارلىق تالاپتارىن ورىندايتىن بولسا, تەكسەرۋشى ورگاندار وعان مۇلدەم بارماۋعا ءتيىس! ەكىنشىدەن, تەكسەرىستى جۇرگىزۋ فورماتى كاسىپ­كەرلەرگە قويىلاتىن بارلىق ارتىق تالاپتاردى الىپ تاستايتىنداي ەتىپ, تۇبەگەيلى قايتا قارالادى. ناتيجەسىندە تالاپتاردىڭ جالپى سانى 30 پايىزدان ارتىق مولشەرگە ازايادى. ول ءۇشىن ۇكىمەت بارلىق تەكسەرىس جۇرگىزۋ رەگ­لا­مەنتتەرىن قايتا قاراۋى قاجەت. ۇشىنشىدەن, تەكسەرىستەرگە بالاما رەتىندە ءۇشىنشى تۇلعانىڭ الدىندا ەرىكتى تۇردە ساقتاندىرۋدى زاڭ جۇزىندە بەكىتۋ قاجەت. تورتىنشىدەن, 2015 جىلدىڭ 1 قاڭتارىنان باستاپ شاعىن جانە ورتا كاسىپكەرلىك سۋبەك­تىلەرىن جويۋ رەسىمى وڭايلاتىلادى. بۇل – ەلدەگى بارشا تەكسەرۋلەردىڭ ۇشتەن ءبىرى. بەسىنشىدەن, باس پروكۋراتۋرا ۇلتتىق كا­سىپ­كەرلەر پالاتاسىنا بيزنەسكە قاتىستى تەك­سەرىستەر جونىندەگى اقپاراتتى قولجەتىمدى ەتەدى. بۇل تەكسەرۋشى ورگانداردىڭ جۇمىسىن اشىق ەتە ءتۇسىپ, قوعامدىق مونيتورينگ ءتيىم­دىلىگىن قامتاماسىز ەتەدى. رۇقساتناما رەسىمدەرى سالاسىندا: بىرىنشىدەن, رۇقساتنامالاردى بەرۋدى اۆتوماتتاندىرۋ اياقتالادى. ولاردىڭ كەمىندە 140 ءتۇرى ەلەكتروندى فورماتقا كوشەدى. ەكىنشىدەن, قۇرىلىس سالاسىنداعى رەسىم­دەر قىس­قارتىلۋى ءتيىس. بۇل باعىتتا ايتارلىقتاي كەدەرگىلەر بار. مەن ۇكىمەتكە جەر تەلىمدەرىن بەرۋ جانە ولاردى پايدالانۋ ماقساتىن وزگەرتۋ رە­سىم­دەرىن, سونىمەن قاتار, قۇرىلىسقا رۇق­سات بەرۋ جانە ينجەنەرلىك جۇيەلەرگە قوسۋ رەسىمدەرىن 50 پايىزعا ازايتۋ تۋرالى تاپسىرما بەردىم. 2015 جىلدىڭ 1 قاڭتارىنان باستاپ جەر تەلىمدەرىن رەسىمدەۋ مەرزىمى 30 كۇننەن اسپاۋى كەرەك. ينستيتۋتتىق-زاڭنامالىق سالادا: بىرىنشىدەن, مەملەكەتتىك ورگانداردىڭ ءتيىمسىز, قولايسىز جانە وزەكتىلىگىن جوعالتقان اكتىلەرىنىڭ كۇشى جويىلاتىن بولادى. ورتالىق جانە جەرگىلىكتى اتقارۋشى ورگانداردىڭ تۇرعىندارعا قىزمەت كورسەتۋ جونىندەگى ىشكى رەسىمدەرى دە قايتا قارالادى. وسى جىلدىڭ 1 ماۋسىمىنا دەيىن ۇكىمەت ۇلتتىق كاسىپكەرلەر پالاتاسىمەن بىرلەسە وتىرىپ, ءتيىستى زاڭنامالارعا تولىق رەۆيزيا جاساۋى ءتيىس. ەكىنشىدەن, بيزنەسكە ىڭعايلى بولۋى ءۇشىن كاسىپكەرلىك كودەكسىنىڭ جوباسىنا كاسىپكەرلىك قىزمەتتى مەملەكەتتىك رەتتەۋ جونىندەگى زاڭداردىڭ بارلىق نورمالارى شوعىرلاندىرىلۋى ءتيىس. ۇشىنشىدەن, ەكونوميكالىق ىن­تى­ماق­تاستىق جانە دامۋ ۇيىمى ەلدەرىندە قا­بىل­دانعان رەتتەۋشى ىقپال قاعيداتى زاڭدىق تۇرعىدا بەكىتىلەدى. تورتىنشىدەن, قازاقستاندا جاڭادان بيز­نەس-ومبۋدسمەن ينستيتۋتى قۇ­رى­لادى. ونىڭ باستى مىندەتى – كاسىپكەرلەردىڭ قۇ­قىعىن قورعاۋ. مەن اتاپ وتكەن شارالار زاڭنامالىق وزگەرىستەردى تالاپ ەتەدى. ۇكىمەت: 2014 جىلدىڭ 1 ساۋىرىنە دەيىن رۇق­سات بەرۋ جانە حاباردار ەتۋ ماسە­لە­­لەرى جونىندەگى زاڭنىڭ جوباسىن; 2014 جىلدىڭ 1 قىركۇيەگىنە دەيىن كا­­سىپ­كەرلىك قىزمەتكە قاجەتتى جاعدايدى تۇبەگەيلى جاقسارتۋ جونىندەگى زاڭنىڭ جوباسىن; 2015 جىلدىڭ 1 قاڭتارىنا دەيىن ءوزىن ءوزى رەتتەيتىن ۇيىمداردىڭ قىزمەتى ماسەلەلەرى جونىندەگى زاڭنىڭ جوباسىن پارلامەنتكە ەنگىزۋى كەرەك. قۇرمەتتى قازاقستاندىقتار! كاسىپكەرلىكتى, اسىرەسە, شاعىن جانە ور­تا بيزنەستى دامىتۋ – «قازاقستان 2050» سترا­تە­گياسىنىڭ ەڭ باستى مىندەتتەرىنىڭ ءبىرى. مەنىڭ جارلىعىمدى جۇزەگە اسىرۋ قازاقستاندا كاسىپكەرلىك قىزمەتتى دامىتۋعا قاجەتتى جاعدايلاردى تۇبەگەيلى جاقسارتۋدى قامتاماسىز ەتەدى. بۇل – بيزنەس جۇرگىزىپ وتىرعان ءاربىر قا­زاقستاندىققا ناقتى كومەك. كاسىپكەرلەردىڭ جۇمىسىنا قاجەتتى جاع­دايدى ۇدايى جاقسارتىپ وتىرۋ ارقاشان دا مەملەكەتتىڭ باستى نازارىندا بولادى. بۇل – قازاقستاننىڭ الەمدەگى بارىنشا دامىعان 30 ەلدىڭ قاتارىنا قوسىلۋى جو­لىن­داعى تاعى ءبىر ماڭىزدى قادام. وسى شارا جانە كاسىپكەرلىكتى دامىتۋعا مەملەكەتتەن قاراجات ءبولۋ ەكونوميكامىزدىڭ وسۋىنە, جۇمىس ورىندارىنىڭ كوبەيۋىنە, بارشا قازاقستاندىقتاردىڭ ءال-اۋقاتىنىڭ ارتۋى­نا سەرپىن بەرەدى دەپ سەنەمىن. ----------------------------------------- سۋرەتتى تۇسىرگەندەر س.بوندارەنكو, ب.وتارباەۆ.