«الەمدە شيكىزاتتىڭ جانە كولىكپەن تاسىمالداۋ باعاسى ءوسۋىنىڭ جالعاسۋى جاھاندا ينفلياتسيالىق قىسىمدى ساقتاپ وتىرعانىن دا اتاپ وتكەن ءجون. بيىلعى قازاندا وسىمدىك مايى, بيداي ونىمدەرى مەن ءسۇت ونىمدەرى قىمباتتاۋى ەسەبىنەن فاو ازىق-ت ۇلىك باعالارىنىڭ يندەكسى 3 پايىزعا ءوسىپ, 133,2 تارماققا جەتتى. مەتالدار شامامەن 1,5 ەسە قىمباتتادى. كونتەينەرلەر جەتىسپەۋىنەن قۇرعاق جۇكتى تاسىمالداۋ قۇنى (Baltic Dry Index) 2020 جىلعى مامىردان باستاپ 7 ەسە ءوستى. ناتيجەسىندە وندىرۋشىلەر ءونىمىنىڭ وزىندىك قۇنىنىڭ ءوسۋى تۇتىنۋ باعالارىنا اۋىسادى», دەدى «2022-2024 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسى تۋارلى بايانداعان ەربولات دوساەۆ.
ونىڭ اتاپ وتۋىنشە, اتالعان سىرتقى فاكتورلار قازاقستاندا دا اتالعان سالاعا ءتيىستى ونىمدەر باعاسىنىڭ وسۋىنە اكەلەدى. سونداي-اق, بۇل فاكتورلار ەلدەگى ينفلياتسيانىڭ وسۋىنە ىشكى فاكتورمەن تەڭ دارەجەدە اسەر ەتەدى.
«بيىلعى 2-جارتىجىلدىقتان باستاپ قازاقستاندا ينفلياتسيا تۇتىنۋشىلىق بەلسەندىلىكتىڭ تەز قالپىنا كەلۋى, ەكونوميكانى فيسكالدىق ىنتالاندىرۋدىڭ جالعاسۋى جانە جەكەلەگەن تاۋار نارىقتارىنداعى ديسبالانستار ناتيجەسىندە ءوستى», دەدى ۇلتتىق بانك توراعاسى.
