بۇۇ باس حاتشىسىنىڭ جاڭا رەسمي وكىلى تاعايىندالدى

بىرىككەن ۇلتتار ۇيىمىنىڭ باس حاتشىسى پان گي مۋن ءوزىنىڭ جاڭا رەسمي وكىلى تاعايىندالعانىن مالىمدەدى. بۇل تۋرالى يتار-تاسس اگەنتتىگى حابارلادى. بۇۇ باس حاتشىسىنىڭ رەسمي وكىلى بولىپ سوڭعى ءۇش جىلدا حالىقارالىق ۇيىمنىڭ قوعامدىق اقپاراتتار دەپارتامەنتىندە جاڭالىقتار ءبولىمىن باسقارعان ستەفان دۋدجارريك تاعايىندالدى. باس حاتشىنىڭ قازىرگى رەسمي وكىلى مارتين نەسيريكي ءوز قىزمەتىن بيىلعى جىلدىڭ 7 ناۋرىزىنا دەيىن اتقاراتىن بولادى. بۇل قىزمەتتە 2009 جىلدىڭ جەلتوقسان ايىنان بەرى ەڭبەك ەتىپ كەلە جاتقان ول رەسمي وكىل بولۋدىڭ ايرىقشا مارتەبە ەكەنىن اتاپ ءوتتى. بۇۇ-دا قىزمەت اتقارماس بۇرىن مارتين نەسيريكي ۆەنادا ەۋروپاداعى قاۋىپسىزدىك پەن ارىپتەستىك ۇيىمىنىڭ ءباسپاسوز قىزمەتىن باسقارعان. سونداي-اق 20 جىلان اسا جۋرناليست بولىپ قىزمەت اتقارعان ول ماسكەۋدە «رەيتەر» اگەنتتىگىنىڭ تىلشىلەر بولىمىنە جەتەكشىلىك ەتكەن. ايدار ورىسباەۆ. دەرەككوز: Itar-tass.com. فوتو: Itar-tass.com.