«قازاۆتوجول» ۇك» اق-تىڭ حابارلاۋىنشا, 7 جاڭا اقىلى ۋچاسكەنى پايدالانۋعا ەنگىزۋ تۋرالى بۇيرىق جوبالارىنا قول قويىلعان جانە ادىلەت مينيسترلىگىندە تىركەلىپ جاتىر. ولار: نۇر-سۇلتان – پاۆلودار, شىمكەنت – وزبەكستان شەكاراسى (تاشكەنتكە), ششۋچينسك – كوكشەتاۋ, قاپشاعاي – تالدىقورعان; شىمكەنت – تاراز, تاراز – قاينار, شىمكەنت – قىزىلوردا. اتالعان ۋچاسكەلەر اقى الۋ جۇيەسىنىڭ بارلىق قاجەتتى جابدىعىمەن جابدىقتالعان.
ء«بىرىنشى تەحنيكالىق ساناتتاعى ۋچاسكەلەردەگى اقىلى جۇيەنى 2021 جىلعى 15 قاراشادان باستاپ ەنگىزۋ جوسپارلانىپ وتىر. بۇل رەتتە وسى ۋچاسكەلەر بيىل 1 قازاننان باستاپ تەستىلىك پايدالانۋعا بەرىلگەن بولاتىن. تەستىلىك پايدالانۋ ناقتى جاعدايلاردا الگوريتمدەردىڭ جۇمىسىن, جوندەۋ باعدارلامالارىن جانە دەرەكتەردى وڭدەۋدىڭ تەحنولوگيالىق پروتسەسىن تەكسەرۋ ءۇشىن ونى كوممەرتسيالىق پايدالانۋعا بەرۋ الدىندا اقى الۋ جۇيەسىنىڭ ينفراقۇرىلىمىن كەشەندى تەكسەرۋدى قامتيدى», دەلىنگەن كومپانيا حابارلاماسىندا.
جۇيە بويىنشا ۋچاسكەلەردە شلاگ-باۋمدار بولمايدى. اۆتوموبيلدەردىڭ ءوتۋى ارنايى كامەرالار مەن جابدىقتاردىڭ كومەگىمەن باقىلاۋ اركالارىنا بەكىتىلەدى. Ashaq جۇيەنىڭ باستى ارتىقشىلىعى – جولداردا كەپتەلىستەر مەن كەزەكتەردىڭ بولماۋىنا بايلانىستى اۆتوموبيلدەردىڭ جىلدامدىق رەجىمىن ساقتاۋ.
وسىنداي جولدارمەن جۇرۋگە اقى تولەۋ ءۇشىن اۆتوكولىكتىڭ مەملەكەتتىك نومىرىنە شوتتى تولتىرۋدىڭ 20-دان استام نۇسقاسى قاراستىرىلعان: QAJ mobile ء(موبيلدى قوسىمشا), Kaspi.kz, Kiwi-ءاميان, Forte Bank جانە تاعى باسقا. سونداي-اق سيگنال باقىلاۋ اركالارىندا وقىلاتىن جانە جول ءجۇرۋ تولەمى ەسەبىنە تەڭگەرىم ەسەپتەن شىعارىلاتىن ارنايى بەلگىلەردى (RFID بەلگىلەر) جەلىمدەۋ كوزدەلەدى.
2013 جىلدان باستاپ I ساناتتاعى اقىلى ۋچاسكەلەر بويىنشا جول ءجۇرۋ مولشەرلەمەلەرى وزگەرگەن جوق (نۇر-Cۇلتان – ششۋچينسك العاشقى اقىلى ۋچاسكەسى ەنگىزىلگەن ساتتەن باستاپ) جانە ول وزگەرىسسىز سول كۇيىندە قالادى دەپ حابارلايدى كومپانيا. سونىمەن قاتار «قازجولعزي» اق قولدانىستاعى تاريفتەردەن ەداۋىر تومەن بولاتىن II جانە III ساناتتاعى جولدار ءۇشىن ءتاريفتى ايقىنداۋ ادىستەمەسىن ازىرلەگەن.
