الەمدىك تاجىريبە نە دەيدى؟

شەتەلدىك ساراپشىلاردىڭ ءپى­كى­رىنشە, ۇلتتىق ۆاليۋتا باعا­مى­نا تۇزەتۋ ەنگىزۋ كەڭ تاراعان حالىق­ارالىق تاجىريبە بولىپ تابىلادى. ءتا­جىريبە كورسەتكەندەي, بۇل شا­را ەل­دىڭ ۆاليۋتا رىنوگىنداعى جاع­داي­دى تۇراقتاندىرۋعا جاعداي جاسايدى. ەكونوميكا سالاسىنداعى ماماندار اتاپ وتكەندەي, وتكەن جى­لى رەسەي ءرۋبلى مەن بەلارۋس رۋب­لى­نىڭ امەريكالىق دوللارعا قاتىس­تى تيىسىنشە 7,5% جانە 11,1% ار­زان­داعانى بايقالدى. بۇل ۇدەرىس ۇستىمىزدەگى جىلدىڭ باسىندا دا جال­عاستى. ءسوز جوق, مۇنداي ۇردىستەر ءىرى تاۋار اينالىمىمەن ءوزارا باي­لانىستى بارلىق ەلدەردىڭ, اتاپ ايتقاندا, كەدەن وداعىنا قا­تى­سۋشى ەلدەردىڭ ۆاليۋتا رىنوكتارىنا ىقپال ەتەدى. شيكىزات رەسۋرستارىنا الەمدىك باعالار وزگەرىسىنىڭ باياۋلىعىن دا تاعى ءبىر ىقپالدى فاكتورعا قوسۋعا بولادى. سوندىقتان كوپتەگەن شەتەلدىك ساراپشىلار قازاقستاندىق تەڭگە باعامىنا دوللارعا قاتىستى تۇزە­تۋ ەنگىزۋدى زاڭدى جانە ەل ەكونو­مي­كاسىنىڭ دامۋىنا وڭ اسەر ەتەدى دەپ باعالايدى. اتاپ ايتقاندا, يتاليالىق UniCredit جانە دانيالىق Saxo Bank سياقتى ەۋروپانىڭ ءىرى بانكتەرىنىڭ ساراپشىلارى مۇنداي شارا مەملەكەت تۇرعىسىنان نەعۇرلىم ءتيىم­دى جانە قيسىندى دەپ اتاپ كور­سەتەدى. ول, ەڭ الدىمەن, وتاندىق تاۋار وندىرۋشىلەردىڭ جاعدايلارىن جاقسارتۋعا مۇمكىندىك بەرەدى. ساراپشىلاردىڭ پىكىرىنشە, ۇلتتىق ۆاليۋتا باعامىنا تۇزەتۋ ەنگىزۋ ءبىرىنشى كەزەكتە اۋىل شارۋا­شىلىعى سالاسىنا, سونداي-اق, اكتسيالارى حالىقارالىق بيرجالارعا شىعارىلعان قازاقستاندىق كوم­پانيالارعا وڭ اسەر ەتەدى. بۇتىندەي العاندا, ول ىشكى سۇرا­­نىستى ۇلعايتۋعا جاعداي جا­ساي­دى, ال, ول ەكونوميكانىڭ ودان ءارى قارقىندى دامۋى ءۇشىن اسا ماڭىزدى, ويتكەنى, بۇگىن­دە ەكس­پورتقا باعدارلانعان ەكونو­مي­كا­لىق مودەلدىڭ السىزدىگى مەن تۇراق­سىزدىعىن شەتەلدىك تاجىريبە كور­سەتىپ وتىر. «ەگەمەن-اقپارات».