ەلوردا • 27 قازان، 2021

ەلوردادا «سەرگەك» كامەراسى ورناتىلعان باعان ايەلدىڭ ۇستىنە قۇلادى

30 رەت كورسەتىلدى

نۇر-سۇلتان قالاسى تۇرعىنىنىڭ ۇستىنە «سەرگەك» كامەراسى ورناتىلعان مەتالل باعان قۇلادى. وقيعا بويىنشا سوتقا دەيىنگى تەرگەۋ باستالدى، دەپ حابارلايدى Egemen.kz.

«23 قازان كۇنى ساعات 13:20-دا سىعاناق كوشەسى، 11-دە مەنىڭ ۇستىمە «سەرگەك» كامەراسى ورناتىلعان مەتالل باعانى قۇلادى. دەر كەزىندە ارتقا قادام باسۋعا ۇلگەرىپ، باعان باسىما تيمەدى. شاعىممەن كىمگە جۇگىنۋ كەرەك؟ مەن ولىمنەن ءبىر قادام بولدىم»، دەپ جازدى ول Instagram جەلىسىندە.

اۋرۋحاناعا جۇگىنگەن ايەلگە گيپس سالىندى. ونىڭ ايتۋىنشا، ول جۇمىسسىز قالدى.

«23 قازاندا كولىك جۇرەتىن بولىكتى كەسىپ ءوتۋ كەزىندە 45 جاستاعى ايەل «سەرگەك» كامەراسىمەن جابدىقتالعان باعاننىڭ مەتالل قۇرىلىمىنىڭ قۇلاۋى سالدارىنان اياعىنان جاراقات الدى»، دەپ حابارلادى نۇر-سۇلتان پد ءباسپاسوز قىزمەتى.

اتالعان فاكتى بويىنشا «ەسىل» اۋداندىق پوليتسيا باسقارماسى قر قك 306-بابى بويىنشا سوتقا دەيىنگى تەرگەۋدى باستادى. قازىرگى ۋاقىتتا تەكسەرۋ جۇرگىزىلۋدە.

سوڭعى جاڭالىقتار

قازاقستاندا قانشا ادام ۆاكتسينا الدى

كوروناۆيرۋس • بۇگىن، 12:15

الماتىدا كىتاپ جارمەڭكەسى وتەدى

ايماقتار • بۇگىن، 09:40

ۇقساس جاڭالىقتار