قوعام • 26 قازان، 2021

قازاقستان بۋداپەشت – الماتى اۋە رەيسىن اشۋدى ۇسىندى

57 رەت كورسەتىلدى

قازاقستان ماجارستان ۇكىمەتىنە الماتى مەن بۋداپەشت اراسىندا اۋە رەيسىن اشۋدى ۇسىندى. بۇل تۋرالى قر پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى ايتتى، دەپ حابارلايدى Egemen.kz.

مينيستر قىركۇيەكتە نۇر-سۇلتان مەن بۋداپەشت اراسىنداعى تۇراقتى اۋە قاتىناس قالپىنا كەلتىرىلگەنىن ەسكە سالدى. رەيستەردى «WizzAir» ماجار اۋە كومپانياسى ورىندايدى.

«جاقىندا ۇكىمەت شەشىمىمەن رەيستەردىڭ جيىلىگى اپتاسىنا ەكى رەيسكە دەيىن ارتتىرىلدى. وسىعان وراي، ماجار تاراپىنا ەكىنشى رەيستى بۋداپەشت – الماتى – بۋداپەشت باعىتى بويىنشا ىسكە قوسۋدى ۇسىندىق. بۇگىنگى تاڭدا ەلىمىزدىڭ 800-دەن استام ازاماتى ماجارستاننىڭ الدىڭعى قاتارلى جوعارى وقۋ ورىندارىندا ءبىلىم الۋدا. «ستيپەنديۋم حۋنگاريكۋم» ماجار ءبىلىم بەرۋ باعدارلاماسى شەڭبەرىندە ماجار تىلىندە وقۋعا قىزىعۋشىلىق تانىتقان ستۋدەنتتەر سانى ارتىپ كەلەتىنىن اتاپ ءوتۋ قاجەت»، دەدى سىرتقى ىستەر ءمينيسترى.

ونىڭ ايتۋىنشا، كەلىسسوزدەر قورىتىندىسى بويىنشا ستراتەگيالىق كەڭەستىڭ 5-ءشى وتىرىسىنىڭ حاتتاماسى قابىلدانعان.

«ميحاي ۆارگا مىرزانىڭ ساپارى جانە بۇگىنگى كەلىسسوزدەرىمىزدىڭ قورىتىندىلارى ەكى ەل اراسىنداعى ەكىجاقتى جانە كوپجاقتى فورماتتاعى سەرىكتەستىك قارىم-قاتىناستاردى تەرەڭدەتۋگە قوسىمشا سەرپىن بەرەدى دەپ سەنەمىن»، دەدى مۇحتار تىلەۋبەردى.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار