قازاقستان • 26 قازان، 2021

سالانى تسيفرلاندىرۋ قىزمەت ساپاسىن ارتتىرادى

138 رەت كورسەتىلدى

ورتالىق كوممۋنيكاتسيالار قىزمەتىندە وتكەن بريفينگتە ىشكى ىستەر ءمينيسترىنىڭ ورىنباسارى ساكەن سارسەنوۆ ىشكى ىستەر ورگاندارىن تسيفرلاندىرۋ بويىنشا اتقارىلىپ جاتقان جۇمىستار جونىندە جان-جاقتى اقپارات بەردى. ەلىمىزدەگى ەڭ ءىرى ۆەدومستۆونىڭ كوپتەگەن قىزمەتتەرى ەلەكتروندى فورماتقا كوشىرىلگەنىن ءسوز ەتكەن ول تسيفرلاندىرۋدىڭ پوليتسيا مەن حالىق اراسىنداعى بايلانىستى، مينيسترلىك پەن وزگە مەملەكەتتىك ورگانداردىڭ ءوزارا ءىس-قيمىلىنىڭ تيىمدىلىگىن ارتتىرا تۇسەتىنىن اتاپ ءوتتى.

بريفينگ باسىندا قۇقىق بۇ­زۋشىلىقتار بويىنشا تسيفر­لى مالىمەتتەر بازاسىنىڭ قۇ­رىلعانىن حابارلاعان ءىىم وكىلى ايىپپۇلدار تۋرالى ەلەكتروندى حابارلامالار جۇيەسىنىڭ ىسكە قوسىلعانىن، بۇل جۇيەنىڭ باس­قا مەملەكەتتىك ورگاندارمەن بىرىك­تىرىلگەنىن دە مالىمدەدى. «بۇل اتقارىلعان جۇمىستاردىڭ ءبىر بو­لىگى عانا. ءبىز ەڭ الدىمەن مەملە­كەتتىك قىزمەتتەردى تسيفرلان­دىرۋ كەزىندە حالىقتىڭ پولي­تسيا­مەن تىكەلەي بايلانىسىنا باسا ءمان بەردىك. وسىنىڭ ارقا­سىندا ازاماتتار ەندى پوليتسيا قىزمەتكەرلەرىنىڭ جۇمىس رەجى­مىنە تاۋەلدى ەمەس. ياعني ولار قا­جەتتى قىزمەت ءتۇرىن وزدەرىنە ىڭ­عايلى كەز كەلگەن ۋاقىتتا الا الادى»، دەگەن س.سارسەنوۆ بۇگىن­دە ءىىم-ندە 40 قىزمەتتىڭ 38-ءى تو­لىق اۆتوماتتاندىرىلعانىن حا­بار­لادى. بۇل ءىىم قىزمەتتەرىن الۋان ءتۇرلى جولمەن الۋعا مۇم­كىن­دىك بەردى. مىسالى، جىل باس­تال­عالى بەرى حالىققا قىزمەت كور­سەتۋ ورتالىقتارىنا 500 مىڭ­نان استام ادام تىركەلسە، پور­تالعا 800 مىڭنان استام ادام جۇگىنگەن. اقپاراتتىق جۇيە­لەردى بىرىكتىرۋدىڭ ارقاسىندا مەم­لەكەتتىك ورگاندار دا كوپتەگەن قۇجاتتاردى بازادان الا الادى.

حالىق اراسىندا ەڭ كوپ اتقا­رىلاتىن قىزمەتتىڭ ءبىرى – كولىك قۇرالدارىن تىركەۋ (جىل سايىن 2،5 ملن تىركەۋ) بولسا، ەكىنشىسى – جۇرگىزۋشى كۋالىگىن الۋ (جىل سايىن 1 ملن قۇجات). ىشكى ىستەر ءمينيسترى ورىنباسارىنىڭ ايتۋىنشا، بۇرىن ءار قىزمەتكە شامامەن 6 ساعات ۋاقىت كەتەتىن. «ونىڭ ۇستىنە قىزمەت كورسەتۋ ساپاسى مەن سەنىمدىلىگىنە قاتىس­تى سىن كوپ ايتىلاتىن. سول سە­بەپتى دە 2012 جىلدان باستاپ 16 وبلىس ورتالىعىندا مامان­دان­دىرىلعان حالىققا قىزمەت كورسەتۋ ورتالىقتارى اشىلىپ، مۇنداعى قىزمەت كورسەتۋ ۋاقىتى 1،5 ساعاتقا دەيىن قىسقاردى»، دەيدى مينيسترلىك وكىلى.

«بۇل رەتتە پوليتسيا قىز­مەت­­كەر­لەرىنىڭ، قىزمەت الۋ­شى­­لاردىڭ جانە حالىققا قىزمەت كورسەتۋ ورتالىقتارى مامان­دا­رىنىڭ ءوزارا بايلانىسى مۇل­دەم الىنىپ تاستالدى. پولي­تسيا تەك قۇجاتتاردىڭ ەلەكتروندى كوشىرمەلەرىنىڭ تولىقتى­عىن راستاپ، سوتتى بولعان-بول­ماعانى جونىندەگى اقپاراتتى تەكسە­رەدى. بۇل سونداي-اق قىزمەت كورسەتۋ كەزىندە سىبايلاس جەم­قورلىق تاۋەكەلدەرىن جويۋعا مۇم­كىندىك بەردى»، دەيدى س.سار­سەنوۆ. جول قوزعالىسى سالاسىن تسيفر­لاندىرۋدىڭ باستى ەكى باعىتى – مەملەكەتتىك قىزمەتتەردىڭ ساپاسى مەن قولجەتىمدىلىگىن ارتتىرۋ ەكەنىنە ەرەكشە توقتالعان سپيكەر: «قازىر جۇرگىزۋشى كۋالىگىن ونلاين رەجىمىندە الۋعا نەمەسە اۋىستىرۋعا بولادى. سونىمەن قاتار وتكەن جىلى ءاربىر وبلىس ورتالىعىندا ورناتىلعان ارنايى ماشينالار مەملەكەتتىك نومىرلەر مەن ونىڭ كوشىرمەسىن جاساۋعا كەتەتىن ۋاقىتتى 5 كۇنگە دەيىن قىسقارتۋعا مۇمكىندىك بەردى. وسىدان ەكى جىل بۇرىن ەلى­مىزدە وسىنداي ەكى ماشينا عانا بولعاندىقتان، نومىرلەردى 20-25 كۇن كۇتۋگە تۋرا كەلەتىن»، دەدى.

ونلاين قىزمەتتەردىڭ ەڭ تانىمال ءتۇرىنىڭ ءبىرى – اۆتوكولىكتى ساتۋ جانە قايتا تىركەۋ. قازىرگى تاڭدا مەملەكەتتىك قىزمەتتىڭ بۇل ءتۇرى دە Kaspi bank ءموبيلدى قوسىمشاسى ارقىلى كورسەتىلەدى. ءموبيلدى قوسىمشادا ەلدەگى بارلىق قايتا تىركەۋدىڭ تورتتەن ءبىر بولىگى، ناقتىراق ايتقاندا تاۋلىگىنە 2،5 مىڭ تىركەۋ جاسالادى ەكەن. قازىر بۇل قىزمەت Halyk bank، Eurasian bank، Free­dom Finance سەكىلدى تاعى ءۇش قار­جى ۇيىمىنىڭ ءموبيلدى قوسىم­شالارىنا ەنگىزىلگەن. سونداي-اق 102-قوسىمشاسىندا ىسكە اسىرىلادى.

بريفينگ بارىسىندا ساكەن سارسەنوۆ، سونداي-اق حالىققا قىز­مەت كورسەتۋ ورتالىقتارىندا شەتەلدىكتەرگە بىرىڭعاي قىزمەت كورسەتۋ سەكتورلارى قۇرىلا­تىنىن حابارلادى. ءىىم وكىلى­نىڭ حابارلاۋىنشا، جىل سايىن ەلىمىزگە شامامەن 1،5 ملن شەتەل­دىك كەلەدى. ال وتكەن جىلدىڭ 1 قاڭتارىنان باستاپ ولارعا كوشى-قون پوليتسياسىندا ۋاقىتشا تىركەۋ تۋرالى قويىلاتىن تا­لاپ­تار الىنىپ تاستالدى. «بۇ­گىن­دە كوشى-قون پوليتسياسىنا e-Qonaq جۇيەسى نەمەسە ءموبيل­دى قوسىمشاسى ارقىلى كەلگەن شەتەلدىك قوناقتار تۋرالى حا­بارلاۋعا بولادى. ەلوردا مەن الماتى قالاسىنىڭ حالىققا قىزمەت كورسەتۋ ورتالىقتارىندا شەتەلدىكتەرگە ۋاقىتشا تۇرۋعا رۇقسات بەرۋ جانە ۆيزا بەرۋگە شاقىرۋلاردى كەلىسۋ ءۇشىن بىر­ىڭعاي قىزمەت كورسەتۋ سەكتورلا­رى قۇرىلدى»، دەگەن ۆەدومس­تۆو وكىلى بۇل قىزمەت تۇرلەرى جىل سوڭىنا دەيىن ەلىمىزدىڭ بار­لىق حالىققا قىزمەت كورسەتۋ ورتا­لىق­تارىنا ەنگىزىلەتىنىن دە ايتىپ ءوتتى. ىشكى ىستەر ءمينيس­ترىنىڭ ورىنباسارى بۇگىندە ەلى­مىزدە 13 مىڭنان استام كامەرا ورناتىلعانىن، ولاردىڭ كومە­گىمەن جول قوزعالىسى ەرەجەلەرىن بۇزۋدىڭ 40 پايىزدان كوبى اۆتوماتتى رەجىمدە انىقتالاتىنىن، بۇل جۇيەلەردى ەنگىزۋ جول قوزعالىسىنا قاتىسۋشىلاردىڭ ءتارتىبىن تۇزەپ قانا قويماي، جول-كولىك وقيعالارى سانىن تو­مەندەتە تۇسكەنىن دە مالىم­دەدى. ال جىل باسىنان بەرى بەينە­باقىلاۋ كامەرالارىنىڭ كومەگىمەن ەل كولەمىندە 10 مىڭعا جۋىق قىلمىس اشىلعان.

س.سارسەنوۆ ءبىلىم بەرۋ مەكە­مە­لەرىندە ورناتىلعان كامەرا­لار­دىڭ بارلىعى جىل سوڭىنا دەيىن ءىىم جەدەل باسقارۋ ورتا­لىق­تارىنا قوسىلاتىنىنا دا ەرەك­­شە توقتالدى. ونىڭ مالىم­دەۋىنشە، قازىرگى تاڭدا 2 026 مەك­تەپ­تەگى 36 657 كامەرا جبو-عا جال­­عانعان. ەلىمىزدە 7 372 مەكتەپ بار بولسا، وندا 137 مىڭنان اس­تام بەينەكامەرا ورناتىل-
عان.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

دوللار قىمباتتاپ بارادى

قارجى • بۇگىن، 11:20

ۇقساس جاڭالىقتار