ايماقتار • 25 قازان، 2021

قىزىلوردادا تاپسىرىس بويىنشا ەسىرتكى تاراتقان تۇرعىن ۇستالدى

95 رەت كورسەتىلدى

قىزىلوردادا تاپسىرىس بويىنشا «سينتەتيكالىق ەسىرتكى» تاراتقان ەر ادام ۇستالدى، دەپ حابارلايدى Egemen.kz.

22 قازاندا قىزىلوردا وبلىسى پوليتسيا دەپارتامەنتىنىڭ ەسىرتكى قىلمىسىنا قارسى كۇرەس باسقارماسى قىزمەتكەرلەرى وبلىس ورتالىعى اۋماعىندا «مەتكاتينون»، «مەفەدرون» سينتەتيكالىق پرەپاراتىن اسا ءىرى كولەمدە جاسىرىن تاراتقان تۇرعىندى ۇستادى.

كۇدىكتىنىڭ ءموبيلدى قوسىمشا ارقىلى تاپسىرىس العانى جانە قالا ىشىندە بەلگىلى ورىندارعا قويىپ كەتۋ ارقىلى، «سينتەتيكالىق پرەپاراتتاردى» تاراتقانى انىقتالعان. ايعاقتى زات رەتىندە ەر ادامنان سينتەتيكالىق زات سالىنعان 72 قاپشىق تاركىلەنگەن.

فاكتكە قاتىستى قازاقستان رەسپۋبليكاسى قىلمىستىق كودەكسىنىڭ 297-بابى 3-بولىگىنىڭ 3-تارماعى («ەسىرتكى، پسيحوتروپتىق زاتتارعا، سول تەكتەستەرگە قاتىستى اسا ءىرى مولشەردە جاسالعان، ەسىرتكىنى، پسيحوتروپتىق زاتتاردى، سول تەكتەستەردى زاڭسىز دايىنداۋ، قايتا وڭدەۋ، ساتىپ الۋ، ساقتاۋ، تاسىمالداۋ، جونەلتۋ نە وتكىزۋ») بويىنشا سوتقا دەيىنگى تەرگەپ-تەكسەرۋ جۇرگىزىلەدى.

كۇدىكتى قىزىلوردا قالاسىنىڭ ءىىب ۋاقىتشا ۇستاۋ يزولياتورىنا قامالعان.

سوڭعى جاڭالىقتار

ۇقساس جاڭالىقتار