بەيجىڭدە «بەيبىت ميسسيا – 2014» تەررورعا قارسى بىرلەسكەن اسكەري وقۋ-جاتتىعۋلارىنىڭ العاشقى شتابتىق كەلىسسوزدەرى وتكىزىلۋدە. كەلىسسوزدەردە قازاقستان قارۋلى كۇشتەرى باس شتاب باستىعىنىڭ ورىنباسارى گەنەرال-مايور مۇقان دۇيسەكەەۆ باستاعان قازاقستاندىق اسكەري دەلەگاتسيا وقۋ-جاتتىعۋدىڭ جوسپارىن, ماقساتى مەن تاپسىرمالارىن, سونداي-اق, ۇيىمداستىرۋ ماسەلەلەرىن تالقىلاۋدا.
گەنەرال-مايور مۇقان ءدۇيسەكەەۆ ءوز سوزىندە:
– شانحاي ىنتىماقتاستىق ۇيىمى شەڭبەرىندەگى ىنتىماقتاستىق قازاقستاننىڭ كوپ ۆەكتورلى ساياساتىنىڭ ماڭىزدى ەلەمەنتى بولىپ تابىلادى جانە ۇلتتىق جانە وڭىرلىك قاۋىپسىزدىكتى قامتاماسىز ەتۋ ىسىنە ۇلكەن ۇلەس قوسادى. قازاقستان شىۇ-نىڭ ءوزارا سەنىمدى نىعايتۋ, دوستىق پەن تاتۋ كورشىلىك, كوپسالالى ىنتىماقتاستىقتى دامىتۋ, سونداي-اق, بوي كورسەتكەن تەررورلىق, سەپاراتيستىك جانە ەكسترەميستىك ارەكەتتەرگە بىرلەسىپ قارسى تۇرا ءبىلۋ ماقساتتارىنا جاقىن, – دەپ اتاپ ءوتتى.
شانحاي ىنتىماقتاستىق ۇيىمى پىشىنىندەگى كوماندالىق-شتابتىق وقۋ-جاتتىعۋلارى ءداستۇرلى تۇردە شىۇ-عا مۇشە مەملەكەتتەر اۋماعىندا ەكى جىلدا ءبىر رەت وتكىزىلىپ تۇرادى. اتالعان ءىس-شاراعا قازاقستان, قىتاي, رەسەي, تاجىكستان جانە قىرعىز رەسپۋبليكاسىنىڭ اسكەري كونتينگەنتتەرى قاتىسادى.
بيىل «بەيبىت ميسسيا – 2014» وقۋ-جاتتىعۋلارى قىتاي حالىق رەسپۋبليكاسىنىڭ اۋماعىندا وتەدى. 2010 جىلى «بەيبىت ميسسيا» وقۋ-جاتتىعۋلارى قازاقستاننىڭ ماتىبۇلاق پوليگونىندا وتكەن بولاتىن.
اسكەري بولىمدەردەگى تەكسەرۋلەر
قورعانىس مينيسترلىگى باس ينسپەكتسياسىنىڭ جوسپارىنا سايكەس, 2014 جىلعى 3 اقپاننان باستاپ اەروۇتقىر اسكەرلەرىنىڭ الماتى گارنيزونىندا شوعىرلانعان بىرنەشە اسكەري بولىمدەرىنە ينسپەكتسيالاۋ جۇرگىزىلۋدە.
تەكسەرىستىڭ ماقساتى بولىمدەردىڭ قويىلعان تاپسىرمالاردى بەلگىلەنگەن مەرزىمدە ورىنداۋ مۇمكىندىگىن انىقتاۋ. سونداي-اق, قارۋ-جاراق پەن اسكەري تەحنيكانىڭ جاي-كۇيىن تەكسەرۋ. 2014 جىلعى 12 اقپاندا تۇسكە دەيىن 61993 اسكەري ءبولىمىنىڭ (قازاقستان بىتىمگەرشىلىك بريگاداسى) ءاۆتوموبيلدى جانە بروندى تەحنيكاسى بەلگىلەنگەن اۋدانعا (70 رازەزد, اسكەري بولىمگە تاياۋ جەردە) شىعارىلىپ تەكسەرىلدى. بۇگىندە بارلىق تەحنيكا ساقتاۋ ورنىنا ورالىپ ۇلگەردى.
تەكسەرۋ جۇمىستارى ءبولىمنىڭ تۇراقتى ورنالاسقان اۋماعىمەن بىرگە, دالالىق جاعدايلاردا دا (وقۋ ورتالىقتارىندا) جۇرگىزىلۋدە.
«ەگەمەن-اقپارات».
اسكەري بولىمدەردەگى تەكسەرۋلەر
قورعانىس مينيسترلىگى باس ينسپەكتسياسىنىڭ جوسپارىنا سايكەس, 2014 جىلعى 3 اقپاننان باستاپ اەروۇتقىر اسكەرلەرىنىڭ الماتى گارنيزونىندا شوعىرلانعان بىرنەشە اسكەري بولىمدەرىنە ينسپەكتسيالاۋ جۇرگىزىلۋدە.
تەكسەرىستىڭ ماقساتى بولىمدەردىڭ قويىلعان تاپسىرمالاردى بەلگىلەنگەن مەرزىمدە ورىنداۋ مۇمكىندىگىن انىقتاۋ. سونداي-اق, قارۋ-جاراق پەن اسكەري تەحنيكانىڭ جاي-كۇيىن تەكسەرۋ. 2014 جىلعى 12 اقپاندا تۇسكە دەيىن 61993 اسكەري ءبولىمىنىڭ (قازاقستان بىتىمگەرشىلىك بريگاداسى) ءاۆتوموبيلدى جانە بروندى تەحنيكاسى بەلگىلەنگەن اۋدانعا (70 رازەزد, اسكەري بولىمگە تاياۋ جەردە) شىعارىلىپ تەكسەرىلدى. بۇگىندە بارلىق تەحنيكا ساقتاۋ ورنىنا ورالىپ ۇلگەردى.
تەكسەرۋ جۇمىستارى ءبولىمنىڭ تۇراقتى ورنالاسقان اۋماعىمەن بىرگە, دالالىق جاعدايلاردا دا (وقۋ ورتالىقتارىندا) جۇرگىزىلۋدە.
«ەگەمەن-اقپارات».
